Nandito na kami sa kwarto ni Althea. Kalalabas lang din ng porter na naghatid sa kanya, at ako ay inalalayan namang siyang humiga.
“Magpahinga ka na para lumakas ka agad,” sabi ko sa kanya na matiim na titig ang sagot niya.
Kanina ko pa napansin, matapos niyang iwanan si Daisy ng nagbabantang tingin ay hindi na mawala ang tingin niya sa akin. Pero isinawalang bahala ko lang. Heto nga at inalagaan ko pa rin siya.
“Masaya ka ba na makita siya?” biglang tanong niya na ikinagulat ko.
Naudlot ang pag-kumot ko sa kanya na parang bang naninigas ang buto ko at hindi na makagalaw. Hindi ko rin maibuka ang bibig ko, parang nag-lock ang panga ko, at naninigas ang dila.
“Anong klaseng tanong naman ‘yan?”
“Masaya ka nga; hindi ka makasagot.” Nag-iwas siya ng tingin.
Napabuga na lang ako ng
