“Bitiwan mo siya!” singhal ko. Hinila ko si Daisy pabalik sa akin, pero nagmatigas si Vincent. Nanggagalaiti ang tingin nito sa akin at ayaw bitiwan ang kamay ni Daisy.
“ ‘Wag kang makialam.” Dinuro niya ako, at muling hinila si Daisy.
Nakagat na lang ni Daisy ang kanyang labi, at naipikit ang mga mata. Nagpaling-paling ang katawan niya dahil sa pwersang ginagawa namin ni Vincent.
“Away namin ‘to ng girlfriend ko!” madiin niya pang sabi.
Pahapyaw akong tumawa. At imbes na sundin ang gusto niya, buong lakas kong hinila si Daisy at hinapit ang bawyang niya. “Girlfriend mo? Ang kapal ng mukha mo!”
“Sir Onse…” Awat sa akin ni Daisy. Umiling-iling siya, nakikiusap ang mga mata na ‘wag patulan si Vincent. “Iuwi mo ako, please,” pakiusap niya.
Napatingin ako sandali sa kamay niya na mahigp
