Kanina pa ako nakatayo rito sa labas ng hospital lobby. Nag-aalangan akong pumasok. Natatakot ako sa kung ano ang makikita o maririnig ko sa loob. Pero kailangan kong lakasan ang loob ko. Bumuga ako ng hangin at nagsimulang humakbang. Mabagal, pero determinado naman akong pumasok.
Bago ako pumunta rito, tumawag muna ako sa supervisor ko, in-inform ko siya na mag-re-resign ako. Heto na nga, hawak ko na ang resignation letter na isusumite ko.
Pwede naman sanang umalis na lang ako na hindi na mag-re-resign, total hindi na naman ako babalik rito sa Pilipinas. Pero alam kasi nila na hindi ako ganitong tao. At ayaw ko na ako ang mapasama sa tingin nila. I wanted to leave this hospital with everything settled—no loose ends, no questions left unanswered.
Paulit-ulit muna akong bumuga ng hangin.
