Ang laki ng mga hakbang ko agad lang makalayo sa kanila. Ngayong nailabas ko na ang galit ko, at nabigyan na ng leksyon si Althea, gusto ko namang bumalik sa emergency room.
Naiinis pa rin ako sa pagka-ipokrita ni Althea, at hindi ko alam kung kailan ‘to huhupa. Dumagdag pa si Onse, na kahit binalaan ko sa ugali ng nobya niya, parang do’n pa rin siya pumapanig. Bahala nga siya!
Paulit-ulit muna akong bumuga ng hangin. Sinubukang ikalma ang sarili, bago tuluyang pumasok sa emergency room. Kailangan ko pa kasing balikan ang bata. Kailangan kong kunin ulit ang loob niya, at ang dignidad ko bilang magaling na nurse. Ayaw kong mapatalsik sa hospital na ‘to na sirang-sira ang reputasyon.
Hindi makatarungan ang ginawa ni Althea kanina na pag-provoke sa akin. Nilagay niya pa sa alanganin ang
