Paulit-ulit kong nakusot ang mga mata ko; nakaramdam pa ako ng takot. Madilim ba naman kasi ang bumungad sa akin pagmulat ko. Kung hindi ko pa nga nakita ang liwanag sa labas, iisipin kong nabulag na ako. Wala kasing kailaw-ilaw dito sa loob.
“Daisy," Bigla akong napaupo nang maalala na nandito ako sa bahay ni Daisy, binabantayan siya, pero nakatulog pala ako sa pag-iisip kung ano ang dapat gawin—kung paano siya pipigilin ang kanyang pag-alis.
“Alis…” Naibulalas ko at biglang napatayo. Kung kanina ay takot ang naramdaman ko, ngayon ay kaba na. Kinakabahan ako na baka umalis na siya at iniwan ako na walang paalam.
Hinagilap ko ang switch ng ilaw na alam kong nasa gilid lang naman ng pinto. Nang lumiwanag ay agad naman akong nagtungo sa kwarto niya at mahinahong kumatok. Kasabay ng pagk
