كيد العشق الجزء الثاني

التاسع

رواية #كيد_العشق

ذكريات حبي معها وذكريات احلى ايام عمري معها كانت هناك لم انسي حلمها بأن يكون لها مثل ذلك المكان الذي كان لها مثل الحلم .نقشنا على جدرانه قصة حبنا الذي اعترفنا به هناك .كيف لى أن أجرحها لتلك الدرجة يكفي ما مرت به بسببي .لا لن اوافق على ذلك لن اعذبها اكتر ولن اذيها مرة أخرى .انا فقط مستعد منها لأى انتقام انا موافق على ذلك مستعد لأى شىء تفعله لكى تخرج من تلك الحالة التى أصبحت عليها .أريدها أن ترجع لها ابتسامتها مرة أخرى .أريدها أن تقف بوجه مبتسم مثل الماضي .

حدثت نفسي وانا انظر للفضى عندما جاءت إلى تطلب منى ان اوافق على طلب انش

_____________________

نعم عندما سمعت اسم تلك المزرعة وكأن أحد ألقى بدلو ماء بارد على راسي .لكن يجب أن أثبت يجب أن أقوى فكل شىء أصبح ماضي ولا يعنى شىء يجب أن أواجه كى أستطيع التحمل يجب أن اتحمل فلابد أن التقى بالماضي الذي أصبح ليس ملك لى .لا يهم ما يهمني هو سعادة ابنى فقط .

ذهبت إليه كي اجعله يوافق فرغم الحاح انش له لكنه أيضا رفض لم أعرف لما هل لأجلى ام لأجله هو أنه يرفض تذكر ماضينا سويا وكيف وهو من اشترى ذلك المكان ولما اشتراه من الأصل .لا يهم سأذهب له واحاول أن أقنعه

أنيكا .احمممم .ممكن نتكلم شوية

شيفاي بفرحة عند سماع صوتها .اكيد طبعا

أنيكا .ممكن ما ترفض طلب انش

شيفاي.انا رفضى انتى عارفه سببه أنيكا

أنيكا.صراحة مش شايفة فى داعى لرفضك .

شيفاي باستغراب ومستني تكمل كلامها

أنيكا .يعنى ايه اصرارك على الرفض مش فاهمة هو مكان نفسه يروحه معانا وينبسط فيه ايه المشكلة .

شيفاي بخبث.مش شايفة انه فى مشكلة خالص لو رحنا هناك أنيكا

أنيكا بتنهيده.لا مش شايفة اى مشكلة

شيفاي.بس انا رافض عشانك انتى عشان ما تتوجعى أو تتألمى لما نروح هناك عارف انك ممكن تتأثري لو رحنا المزرعة .

أنيكا بضحكة وهى تتحرك اتجاه.اتألم واتوجع ههههه سوري يعنى اتوجع من ايه عايزة توضيح عشان بس مش واخدة بإلى .

شيفاي بنرفزة .عشان مزرعة تعتبر ذكرى خاصة لينا سوا وايام قصة حبنا وكمان لو نسيتى بعد جوازنا قضينا فيه اسبوعين من شهر عسلنا فيه .ده مكان اللى دايما بنروحه انا وانتى لما كنا بنقضى ايام لوحدنا .

أنيكا بوجع .لما كنا .وكان .وذكرى .انت قلت كان .يعنى ماضي .انت سامع نفسك

انت خايف على جرحي بجد .لا فعلا فيك الخير متشكرة جدا على مراعاة شعوري

بس عايزة اقولك انه مش مهم اى شىء خلاص

الوجع مش بالمكان .الوجع اتوجعته وخلاص وكمان مش ده كان كلامك دايما ليا .

واجهى أنيكا واجهى المك اوعى تن**ري لو حد **رك الشفى بيجى من نفس الإلم عشان كده مر.فاكر يا استاذي علمتنى ايه .علمتنى أقف قصاد القطر لو عدى جمبي من غير ما خاف علمتنى أقف لوحدى كويس قوي .وكمان خايف على وجعى ههههه ازاى طب ما انا هنا معاك ومع مراتك كمان ليه ما اتأثرت عادي .

شيفاي بزعل عليها ومنها .انا عارف انه مش فارق معاك مكان هنا لكن متأكد هيفرق هناك

أنيكا .لا متخافش عليا وافق بس عشان انش مستنى ردك .وكمان عشان اخد اجازة

شيفاي .هتقدري أنيكا هتقدري تستحملى وجودك هناك اسمعى منى أنيكا

أنيكا بنظرة كلها كره .اللى خلانى اقدر علي غدرك وخيانتك هخلينى اقدر على اى شىء مستر اوبيروي .

شيفاي بغضب راح عندها ووقف قصادها .اسمى شيفاي ما تقولي مستر تاني

أنيكا .ولو ما قلت هتعمل ايه هتض*بني زي ما عملت اليوم .

شيفاي يهدأ ويفتكر الض*بة .اسف أنيكا نسيت حوار الض*بة انتى كويسة انا جبت الأدوية

أنيكا بدون اهتمام .شكرا اوم فعلا جبها وخدته عن اذنك انا رايحة عشان اخد اجازة من شغلي

شيفاي .بس انا ما قلت موافق ولا لا .

أنيكا بمكر .انت موافق شيفاي .موافق صح

شيفاي سكت وبعدها هز رأسه بيأس منها أنه موافق .

أنيكا .طب روح فرح ابنك وياريت تراعى كلام معاه أمام الناس انش ما بقى طفل ومش عيب تعتذر له على غلطك العيب نكابر واحنا غلطانين .(تلقيح رسمى لمغرور مستر اوبيروي)

___________________

اوم كان مازال فى حديقة القصر بيصلح شىء فى كاميراته .ونفس اللحظة سرحان هل فعلا مازالت تحبه ام لا .ولما ذهبت بعيدا عنى .

ظل شارد عند سماع صوتها وابتسم عند سماع اسمه منها .ما بي أنيكا تركتى ب**ة فعلا بصوتك هذا الذي ينطق اسمى .

أنيكا .اوم ...عارفة انك زعلان منى

اوم بتفكير خبيث لكى يتحدث معها دون أن يسألها ويخرج من اسالته .

اوم بزعل مصطنع.لا وهزعل ليه عادي

أنيكا .عادى ازاى يعنى لا شكلك زعلان عشان كده باصص للكاميرا .بص لى اوم واحنا بنتكلم

مش بحب التجاهل .

اوم .انا مقصدش صدقيني اسف

أنيكا بضحكة خلابه أسرت اوم جدا .شفت انت اللي اعتذرت مش انا .ههههه عرفت اوقعك

اوم وهو سرحان فى جمال ضحكتها.انت وقعتني فعلا عندك حق أنيكا .

أنيكا .انا مقصدش اللى حصل انا بس مش عايزة صداقتك مع مستر اوبيروي تتأثر

اوم بعدم فهم .دقيقة اولا مين مستر اوبيروي وصداقة ايه اللى تتأثر وليه .

أنيكا .انت عارف مين مستر اوبيروي .صداقتك تتأثر معاه بسببي لانى حصلت مشكلة بسببي وممكن تتإثر بسببى عشان سوء التفاهم اللى حصل .

اوم .ليه بتقولي مستر اوبيروي .اممم مش عايزة تنطقي اسمه على ل**نك .بس عايز اقولك لو انتى بتعملي كده ونفس الوقت هو مش فارق معاكى خلاص وده انا شايفه فعلا بس معنى انك مش عايزة تقولي اسمه .ده اكبر دليل انه فارق وماثر فيكى جدا لدرجة انك مش عايزة تنطقي اسمه .فالأفضل قولي اسمه عادي ده لو فعلا ما بقى يفرق معاكى .

ويكمل بخبث .ولا لسه فارق معاكى أنيكا

أنيكا بتنهيده.عندك حق فعلا .هو فعلا مش فارق .بس هو فارق معاه يسمع اسمه منى

اوم بنظرة مضحكة .ههههه شريرة أنيكا

أنيكا .انا مش شريرة اوم .بس ......

اوم .ممكن اسالك شىء لو مش عايزة تجاوبي خلاص اتفقنا .

اوم .لسه بتحبي شيفاي أنيكا ؟!!!???

اوم لنفسه .غ*ي .غ*ي اوم ايه السؤال ده خلاص اتفضحت وهتسالك ليه سألت كده

أنيكا .ليه سألت كده ?????

هو باين عليا انى لسه بحبه قولي اوم باين انه لسه فيه شىء جوايا ليه .

اوم تنفس وارتاح.صراحة لا مش باين غير نظرة كره ووجع وساعات بحس انك عايزة تقتليه .بس اكتر نظرة بشوفها نظرة عتاب

أنيكا .ممكن بس مش هامنني

اوم .بس ده مش إجابة سوالي أنيكا

أنيكا .بص اوم قلبي ما بقيت عارفة هو عايزة ايه .لأنه اتقفل عارف انت لما ايدك تنجرح وتنزف هتقدر تعمل شىء ووايدك بتنزف

اوم .لا طبعا

أنيكا .اهو هو كده بالضبط قلبي لسه بينزف وما خف والنزيف بيزيد اكتر واكتر مش قادرة اوقفه .تصدق انا نفسي اوقفه مش عارفة غصب عنه معذور .

لما الجرح بينزف اوعى تطلب منه يوقف نزيف إلا ما يوقف لوحده عشان لو وقفته غصب عنه كتر الضغط عليه هينزف اكتر وللأسف ده اللي بيحصل معايا .

وجي تسألني لسه بحبه ولا لا .يا عم احبه ازاي ده راجل متجوز عيب كمان اقول كده .

اوم ضحك علي كلامها بس ضحكة وجع ومحبش يوجعها اكتر وهزر معاها بنفس طريقتها .

اوم .عندك حق عيب ده حتى ممكن مراته تاكلك انا عارفها .

أنيكا .بجد بتاكل بنادمين

اوم بضحك .مش للدرجة بس ممكن تشرب من دمهم .ده انا مجرب

أنيكا بفضول .ازاي مش فاهمة وكانت معاه زجاجة ماية بتشرب دواها .

اوم .تيا كانت خطيبتي أنيكا .

أنيكا رشت مايه اللى فى فمها على وش اوم بصدمة وفضلت تكح جامد .

وهو مسح وشه وابتسم ابتسامة بلهاء بس اتخض على أنيكا وهى بتكح جامد وفضل يطبطب على ظهرها بخفة عشان تهدأ .

على دخول مستر شيفاي الغيور اللى مهما حاول مش قادر يشوف حد معاها بالقرب ده .

اوم .انت كويسة اشربي ماية طيب

أنيكا بابتسامة .لا بلاش كفاية كده انت غرقت وبصوا لبعض وانفجروا من الضحك على بعض اوم لنفسه .يكفى أن أرى تلك الضحكة الجميلة التى تأثرني .فأنت فعلا وقعت أسير لها اوم انت فعلا أعجبت بتلك الشقية التى سلبت قلبك

________________

لا يهمك فعلا أنيكا .سنرى هل سيؤثر بك وجودك فى مكان عشقنا القديم الذي شهد على احلى ايام عمرنا سويا .سنرى تلك الضحكة ستكون موجودة فعلا وقتها ام لا

كلمات حدث شيفاي بها نفسه وكانه ينتقم من أنيكا على تلك الابتسامة التى تنظر بها لغيره وتلك الضحكة التى يتمنى أن تكون له .

شيفاي .خانا رتب كل شىء واستعد للسفر معنا للمزرعة ولو فى اى أوراق مهمة اتصل بسكرتيري الخاص يجبها اليوم .

خانا .تمام مستر .هأكون معاكم هناك مستر

شيفاي.طبعا خانا هنقعد تقريبا اسبوع

خانا .تمام مستر .تحب اطلع السيارة العائلية

شيفاي .اه فكرتني طلعها هنكون فعلا كتير فى سيارة واحدة .

خانا .تمام مستر عن اذنك .

شيفاي بغيرة .روح لمسز أنيكا عرفها انك جاهز توصلها عملها .

خانا .بس هى ما طلبت مستر شيفاي

شيفاي بغضب واضح .وانا بقولك روح قولها هى تلقيها وقت خدها .طبعا هتاخد بالها ازاي

بيكلم نفسه وخانا لسه واقف .

شيفاي بغضب وصوت عالي .انت لسه واقف يالا روح .

خانا .حاضر .حاضر مستر .

اوم وانيكا لسه سوا بيضحكوا .

أنيكا .خلاص انا كده صالحتك ومفيش زعل

اوم .صالحتني مش فاهم

أنيكا .انت كنت زعلان وانا مش بحب حد عزيز عليا يفضل زعلان فضلت وراك لحد ما ضحكت .خلاص مفيش زعل .

اوم بابتسامة ودودة على أنيكا ويكلم نفسه .

يا قدير كم هى حنونة ونادرة لم يهمها غير أن تغير مودي وتضحكني .وينظر لها نظرة حب على صوت أنيكا .

أنيكا .ايه اوم رحت فين سرحت فى ايه

بص مش هسألك عن حوارك مع تيا عشان ده عايز قعدة مخصوص ولازم امشي عشان هتأخر لازم اخد اجازة من شغلي عشان السفر

اوم .تقصدي مزرعة شيفاي

أنيكا بضيقة .اه

اوم .رايحة معاهم

أنيكا بضحكة مصطنعة .طبعا عشان انش

اوم . مع ان شيفاي مكنش موافق

خانا فجاءة ظهر .مسز أنيكا انا جاهز اوصل حضرتك للشغل .

أنيكا باستغراب .شغل وعرفت ازاى .عموما انا فعلا محتاجة اروح حالا عشان ما تأخر

أنيكا .انت رايح صح اوم

اوم بتفكير .هفكر مع ان مفيش حد عزمني

فجاءة ظهرت الساحرة الشريرة .طبعا جى معانا اوم ازاي ما تيجى .

اوم .مش عارف فعلا لأنه عندي مشوار ضروري عشان احدد المكان اللي هعمل فيه المعرض .

شيفاي كمان ظهر وبيعزم عزومة ياريت ما تيجي اصلا.وهو ضروري تروح هالايام

اوم .خليه يوم تانى

تيا .خلاص هنستنى تيجى معانا

شيفاي .لا مش هينفع نستنى انا خلاص رتبت عشان كمان ارجع قبل الاسبوع الجاي

انيكا .خلاص اوم روح مشوراك اليوم وتعالى على هناك

كلمة أنيكا خلت اوم تحمس فعلا يروح مع انه واخد باله من شيفاي وطريقته الجافة .

اوم .خلاص تمام موافق هروح احضر شنطتي

شيفاي لسه هيكلم أنيكا لقاها مشيت من غير كلام وهى بتشاور لاوم بالسلام.

_____________________

فى مطعم كابير

شاندنا .اسبوع بحاله أنيكا عمرك ما عملتيها

أنيكا .هعمل ايه مضطر لعيون انش

تشاندنا.رغم غموضك واني زعلت منك انى اول مرة اعرف ان ليكى ابن .بس مبسوطة عشانك .لأن اخيرا طلعتى من سكوتك وهدوءك .عيشي أنيكا الحياة جميلة

أنيكا .عندك حق انا هعيش

تشاندنا .بس للاسف كده هتروحي بكرة لأن اليوم الشفت بتاعك دبل .

أنيكا .وليه بقى انا عمرى ما خدت شفت اصلا

تشاندنا.ده لأنك هتخدى اجازة يا حلوة

أنيكا .اه وانا عارفة كده من كتر غيابك ههههه

تشاندنا.ههههه اه فعلا بس اهم حاجة ترتبي المنيو وكمان اكلات الخاصة تعمليها قبل سفرك الزبائن الخاصة منيو بتاعها معروف وأهم شىء اوعى تنسي كمان الحلو الخاص بنص الاسبوع وكمان .........

أنيكا.ايه أهدى شوي لو هعمل كل ده قبل ما امشي يبقى مش عسافر أهدى كده وركزي اتعلمى تشيلي عنى شوي انتى خلاص بقيت شيف تمام ما تخافى وتحملي مسئوليه شوى

أنيكا .هروح لمستر كابير هعرفه

أنيكا دخلت مكتب مستر كابير بعد ما خبطت بخبطة معينة هو عارفها .

كابير.ادخلي أنيكا

دخلت انيكا بيدها فنجان قهوة له وهى تبتسم

كابير .هههههه عارفة أنيكا بقالى كتير ما شربت من ايدك قهوة .شكلك طالبة شىء صح

أنيكا بضحكة .هههههه دايما كده فأهمني

كابير .قولي بنتى لازمك شيء

أنيكا .اجازة عايزة اجازة اسبوع

كابير .وانا اقدر تغيبى عننا اسبوع كامل

أنيكا .لا تقلق هضبط كل شىء فى المطبخ ونهاردة قاعدة شفت قبل سفري بكرة لا تقلق المطعم مش هيتاثر بعدم وجودي

كابير بعد ما ساب القهوة.كل ده مش هامنني انا تعودت على وجودك بنتى كل يوم معقولة اسبوع كامل من غير ما شوفك

أنيكا بابتسامة .ههههه معلش عشان عيون انش الاسبوع التانى لاحتفال عيد ميلاده

كابير بنظرة خبيثة .راح معاه لوحدك ولا مع ابوه .

أنيكا بضحكة ساخرة .اه معاه هههه هو ومراته الجديدة .

كابير بنظرة حزن عليها .أنيكا ......

أنيكا .لا تخاف عليا عم كابير انا عارف أنيكا كويس لا تتأثر بشىء .

كابير .انتى كويسة أنيكا

أنيكا .جدا جدا حاسة براحة رهيبة بعد رجوع ابنى .يلا بقى أمضي لى على الاجازة .

وهو مستغرب منها تلفون أنيكا رن وطلعت مكالمة من الجدة .

الجدة .أنيكا بنتى ها خدتى اجازة هنمشي اليوم .

أنيكا .للأسف دادي هجى انا بكرة كده كده مكنتش هجي معاكم سيبني على راحتي دادي

الجدة .طب حبيبتى قولي عايزة تاخدي ايه وانا ارتب لك الشنطة واخدها معى عشان ما تبقى تقيلة معك .

أنيكا .لا تتعبي نفسك دادي بليز

الجدة .يعنى هتيجي على القصر وبعدها تيجى لنا هناك على المزرعة .

أنيكا تفكر .لا دادى همشي من مطعم على هناك على طول .

الجدة .خلاص يبقى اخد لك شنطتك معى عشان ما تتعبي .

أنيكا .تمام دادي مش هزعلك .

وينهوا المكالمة وانيكا تفكيرها كده أفضل ما تروح القصر وما فيه حد هناك وعندها احساس لو شيفاي عرف انها جاية تانى يوم ممكن يفضل مستنيها وارتاحت أن الجدة أنقذتها من المأزق ده .

كابير .اتفضلي يا ستي أدى امضتي على الاجازة .على فكرة ممكن تمشي من دلوقتى

أنيكا .لا تقلق انا بس بضبط المطبخ قبل سفري عشان تشاندنا ما تحتاس من غيري .

_________________________

قصر اوبيروي

اوم ترك سيارته وسافر مشواره بالقطار وبلغ تيا هيحصلهم على هناك .الخدم بياخد الشنط

وبيحطوهم فى السيارة .

تيا .حبيبى خلاص احنا جهزنا

شيفاي ينظر لهم جميعا بس أنيكا ليست موجودة .

شيفاي .فين أنيكا

الجدة .هتيجي لنا بكرة على هناك عشان ترتب أمورها فى الشغل .

شيفاي .طب مش مشكلة نستنى ونروح بكرة

تيا ودناها طلعت نار من الغيرة هههه??

تيا .على اساس عندك شغل قبل نهاية الأسبوع ولازم نرجع مش ده كلامك مع اوم .

شيفاي بتوتر .لا أقصد انه مش مشكلة نستنى ونقول لاوم كمان .

الجدة .خلاص ابنى احنا جهزنا خلاص غير أنيكا هتروح عل المزرعة من المطعم مش هتيجي على هنا .حتى انا خدت شنطها معانا .الجدة تض*ب رأسها بخفة شفت كنت هنسى .شنطها فوق نسيت ننزلها

تيا بخبث خليكي دادي انا هروح للخدم آبلغهم يجبوها مع شنطى لا تقلقي

الجدة باستغراب .انتى تيا

تيا بنظرة بريئة مصطنعة .اها دادى فيها ايه

وتطلع تيا تفتح الشنط تلاقى شنطتين واحدة ملابس عادية والتانية ملابس سهرة ندهت على الخدم يجيبوا الشنط لتحت والجدة شافتها نازلة مع الخدم شايلين شنط تيا وشنط أنيكا معها .كلهم ركبوا السيارة وتيا مع الخدم خلف السيارة بتمم على الشنط وهما بيحطوا الشنط فى السيارة وكان بس فاضل شنطة ملابس السهرة بتاعة أنيكا وقالت للخادمة خلاص روحى انتى انا هحط آخر شنطة وفعلا مشيت وتيا ركبت السيارة وسابت شنطة أنيكا على الأرض بجانب الرصيف .

تيا بخبث وهى بالسيارة .ليه ما تتصل باوم شيفاي يجيب أنيكا معاه .

الجدة .انا فعلا قلت له كده لشيفاي واتصل به بس تلفونه مقفول .

شيفاي بغضب مكتوم .وبعدين بقى معاهم ويكلم نفسه وهو بيفتكر عمل ايه فى سيارة اوم لما الجدة طلبت اوم يوصل أنيكا بعد رجوعه من مشواره .

فلاش باك

شيفاي بيبص حواليه زي الحرامية ههههه ويروح عند سيارة اوم ويفضي الاربع عجلات تبع السيارة وهو بييضحك زي الاطفال ويكلم نفسه .ابقى وريني بقى هتيجي ازاي اصلا .

(ههههه قلب عيل صغير بسبب غيرته )

عودة من فلاش باك

شيفاي يتذكر ويضحك على مقلب اللى عمله فى اوم وتيا بتكلمه تانى .

تيا .حبيبى اتصل تانى باوم

شيفاي بغضب.خلاص تيا كل شوى اتصل اتصلت خلاص مفيش رد منه نبقى نستنى

تيا .طب هتصل انا به

شيفاي يمسك ايدها .خلاص قلت ما تتصلي

تيا بتفكير كأنه عندها أمل .حبيبى انت غيران عليا من اوم بجد شيفاي عشان كده مضايق انى بتصل .

شيفاي بنظرة ضيقة لتيا .غيرة وعليكي .

شيفاي هز رأسه لتيا اللى فرحت قوي وضمته وهو مش طايق نفسه منها وكل تفكيره مع أنيكا فقط .

________________________

وصلوا القصر وشيفاي اول ما وصلوا كل عقله وحواسه لأيام الماضي مع أنيكا لما كانوا بيجوا سوا مع بعض وينظر للافتة المزرعة مكتوب عليها (My life dream) (حلم حياتى )

ويفتكر أنيكا لما كان نفسها فى مزرعة زيها وأنه كمان سمى المزرعة بنفس الاسم اللى كانت هتسميه .

موهيت رحب بيهم وبالجدة اللى فعلا انبسط جدا بيها هى وانش

موهيت مش بس ابن عمته فقط وكانوا فعلا اصدقاء وايضا كانت معاهم أنيكا كانوا ثلاثي معروف بصداقتهم أيضا قبل دخول الجامعة مرح وخبيث يهمه مصلحته اولا واخيرا وإذا تعارض الموقف مع مصلحته طبعا مصلحته أهم بس يا ترى مصلحته فعلا مع تيا اللى تعرفت عليه وقت شرا مزرعة من موهيت

موهيت .هاي شيفاي لك وحشة

شيفاي بضيقة منه .انت اكتر موهيت

يلا ارتاحوا وانا هبلغ الخادمة تحضر لكم الأكل .

شيفاي بعجرفه .بتكلم وكان البيت بيتك موهيت وأنه مش بيتى .

موهيت بنظرة كره لشيفاي .كان بيتى وللأسف أتاخد غصب عني .

شيفاي .لو كنت تملك عقل قبل المال كان زمانه لسه بيتك موهيت ويبص له بنصر

بينكى .جرى ايه يا ولاد احنا هنا بطلوا هزار سخيف بقى

الاتنين ياخدوا بالهم ويسكتوا فعلا

وشيفاي يروح على المكتب وبينكى تاخد الجدة على غرفتها .

تيا .هاى موهيت

موهيت .هاي تيا ازيك .وبصوت خافت .مش مصدقك الصراحة ان أنيكا جية .

تيا .فعلا جاية لا تقلق شكلك مشتاق لها

موهيت باستغراب .على فكرة أنيكا كانت صديقة فقط لا غير

تيا .بس اتفقنا مفيهوش صداقة موهيت موهيت .لا تقلقي بس هى توصل

تيا .بكرة بتوصل

موهيت لنفسه .لو فيها ضيقة لشيفاي فأنا معاها رغم انى ما بطيقها. _________________________

مطعم كابير

شاندنا .أنيكا ساري تبعك اتبهدل هتمشي ازاي

أنيكا تنظر لنفسها عندك حق فعلا

تشاندنا .هقولك انا رايحة وانا مروحة اجيب ساري لخطوبة جارتي انتى تيجي معايا لأن طبعا زوقك يجنن فى السواري غير لازم تغيري كنت هتسافري ازاي بساري

أنيكا تتذكر نفسها زمان .تعرفي تشاندنا انى زمان عمري ما لبست ساري غير لما اتجوزت كل شىء اتغير قبلها كنت ألبسه فقط فى مناسبات وبالعافية هههههه.

تشاندنا .طب يلا بينا فتح محل جديد هنا جمب المطعم يجنن تعالى بقى .

وفعلا راحوا واختارت أنيكا لتشاندنا ساري يهبل ودخلت أنيكا تقيس طقم عبارة عن جينز برمودا وبلوزه بيضاء عند الوسط تمام وخرج من البورفة على اندهاش تشاندنا .

تشاندنا.واو أنيكا اللى يشوفك يقول كأنك لسه بالجامعة ههههههه برمودا أنيكا .

أنيكا .وكنت ساعات البس شورت كمان

تشاندنا بعدم تصديق .بتهزري ???

أنيكا .لما كنا انا واصحابي طبعا من ورا بابا هههههه وتفتكر وتكلم نفسها .كان بيغير موت لما ألبسه فعلا .

تشاندنا.انا رأي ترجعى للبسك ده تانى عيشي حياتك أنيكا .

أنيكا .هو عيشة الحياة باللبس

تشاندنا.اه أنيكا اللبس بيرفع روحنا المعنوية

أنيكا بحزن .لو بلبس كان كله يهون

تشاندنا.اسمعى كلامى تعالي وتاخدها فعلا تشتري لبس كاجوال فقط .

تشاندنا.أنيكا المحل عامل خ** عشان افتتاحه هههههه خدت الخ** على حسك انتى لأنك اشتريتي اكتر هههههه

أنيكا .اه يا لئيمة عشان كده وتض*بها بخفة

__________________

عدى اليوم وانيكا سهرت فى عملها لتانى يوم وفعلا ذهبت من عند المطعم للمزرعة من هناك وهى تقريبا على أول الطريق اوم كان ذهب عندها فعلا ولم يجدها فى المطعم اتصل بيها

اوم .فينك أنيكا من أمبارح بكلمك

أنيكا .سوري تلفوني غير أنه فصل انشغلت جدا لما خدت بالى كنت خرجت من المطعم

اوم .تمام انا جى لك على المطعم عشان نروح سوا على المزرعة .

أنيكا .للأسف انا فعلا ركبت خلاص أتوبيس وفى طريقي لو اعرف كنت انتظرتك .بس ليه ما قلت من الاول .

اوم .حصلي موقف غريب أنيكا وحكى لها عن السيارة واللى حصل لها .

وانيكا ظلت تضحك من قلبها عليه

اوم بغيظ وحب لسماع ضحكتها .اضحكي اضحكي لولا كده كان زمانى فعلا كنت وصلتك

.أنيكا .لا تزعل بس فعلا موقف يضحك الأربعة مرة واحدة ده اكيد بفعل فاعل ههههه وتفكر فعلا ليكون شيفاي معقولة .

اوم كأنه سامعها.مش عارف ليه حاسس انه شيفاي عمل كده .

أنيكا بتوتر .معقولة عقله مش عقل طفل عشان يعمل كده وليه اصلا يعمل كده .

اوم بثقة .االلى خلاها ض*بنى لما شافنا سوا ويهددني ابعد عنك ممكن يعمل اي شىء حتى لو لعب عيال .اكيد تصرف كده فاكر اننا هنروح سوا ضايق من كده .

أنيكا تغير موضوع .طب انت فين حاليا

اوم .رحت لمكتب حجز السيارات خلصت وطالع على الطريق ممكن نتقابل فى الاستراحة .

أنيكا .تمام اول ما اوصل عندها هكلمك لو قربت ممكن استناك ونمشي سوا .

قفلوا مع بعض على اتفاق بينهم يلتقوا فى الاستراحة .

_______________________

على الطريق سيارة فيها شاب وسيم وبنات شافوه من الاتوبيس وفضلوا يصرخوا ويشاور له وانيكا تاخد بالها من صريخ البنات وماتهتم .عند الاستراحة تقف سيارة بها شابين وثلاثة بنات .

ياش .مان .ماليكا.بوجا .مايا

نزلوا من السيارة وتوجهوا للاستراحة .

ياش .شباب انا تعبت من السواقة كنا جينا فى الباص احسن .

مان .خلاص ماتشتكى انا هكمل الطريق مكانك

ماليكا بحماس.لا هسوق انا

البنات والشباب .لااااااااااا

ياش .بليز ماليكا عايزن نوصل بالسلامة

ماليكا.على راحتك كنت عايزة اريحك

مان .نرتاح ساعة ولا العمر كله

كلهم يضحكوا على كلام مان

بوجا .شباب ليه حاسة بغرابة فى مشوارنا ده

مايا .ليه بوجا عشان موهيت عزمنا يعني من غير ما يقول لشيفاي .

مان.هو مش قال مراته عايزة تعملها مفاجأة لشيفاي عشان عيد ميلاد انش

ماليكا.مش عارفة ليه مش متخيلة شيفاي مع واحدة تانية غير أنيكا

ياش .عندك حق اللى يشوف قصة حبهم زمان ما يصدق انهم انفصلوا فعلا .

مان .تفتكروا أنيكا ممكن تحضر

بوجا .ما اظن ازاى تقبل أو تستحمل اصلا تشوفه مع واحدة تانية .

مايا .بس شكل مراته الجديدة بتحبه فعلا عايزة تعمله مفاجأة وكمان عيد ميلاد انش شكلها مهتمة فعلا بيهم .

ماليكا بتفكير .تفتكروا مين ساب التانى

كلهم فى نفس واحد .أنيكا

ماليكا .وليه ما يكون شيفاي اللى طلب

ياش .لا حب شيفاي لانيكا عشق هوس عمره ما شفته قبل كده .

ماليكا .لو على الهوس مش هيبقى زي هوس اديتيا .انتوا نسيتوا عمل ايه لما عرف بجوازها

مان .تفتكروا موهيت عزمه

ياش .ده يبقى مجنون لو عمل كده

مايا .بس شات بتاعنا امبارح لنا موهيت بعت لنا كلنا اديتيا بقى اونلاين وشاف الرسايل كأنه عايز يعرف حوارنا .

بوجا .لا ما تخيل ده هو بقى مطرب مشهور حاليا مش فاضي اصلا للحوارت اللى زى دي

مان .انا متأكد انه لسه بيحب أنيكا بدليل عدم جوازه لحد الان .

ماليكا .عادي ما انا اتجوزت لحد الان

الكل فى نفس واحد .اخرسي ماليكا

ياش .أما بسمع انه كل يوم مع واحدة شكل

مان .اشاعات ما انت عارف عالم الفن

مايا .بس تفتكروا فعلا لسه بيحب أنيكا

انا ساعات كنت احس ان أنيكا كمان بتحبه

بوجا .بس أنيكا كانت تعشق شيفاي ما تنسي انها اتخلت عن كل شىء عشانه بدليل احنا أصدقائها نسيتنا بعد جوازها منه .

مان .ما يمكن زهقت من تحكماته وطلبت الطلاق .تعرفوا انى فعلا وحشتنى وجودها معانا شباب .

مايا .فاكرين اول يوم شفنها فيه

ياش .كلنا ع**نها حتى البنات فاكرين كلهم يضحكوا وفجأءة ياش وهو بيشرب قهوته

ياش .هو احنا من كتر حكينا عنها يتخيل ولا ايه .

الشباب يسمعوه ويبصووا ما كان ياش مركز وفعلا تطلع أنيكا .

داخلة مطعم الاستراحة بطلتها الجذابة الجميلة التى تخ*ف القلوب وهى تبحث عن مكان تجلس به ويصبح المكان فعلا بالقرب من الشباب واول ما توصل لعندهم ومش واخدة بالها منهم يديروا وجوههم جميعا عشان لا تشوفهم .

نفس اللحظة دخل الفنان المشهور المكان

اديتيا فارون صديقهم والصديق القديم للشلة

التى كانت تضم معهم شيفاي أنيكا وموهيت

يا تري أنيكا هتعمل ايه مع كل ده ؟!

القصة تأليف

#nonayasso