HINDI lang schedule ni Marcela ang ginagawa ni Regina. Kahit sa mga projects at assignment nito sa school ay tinutulungan niya ito. Simula nang magsimula siya ng trabaho doon, mahigit dalawang linggo na ang nakakaraan, wala naman ibang lakad ang dalaga.
Ang kuwento sa kanya ni Che, ang isa sa kasambahay doon, dati daw napakaraming ginagawa ni Marcela. After ng school, commercial or magazine shoot left and right. Pero simula ng maging sunod-sunod ang balitang pagrerebelde nito, sunod-sunod din na-cancel ang kontrata ng endorsement nito. Pati ang mga modeling jobs nito ay isa-isa rin nag-atrasan. Ang mga natitirang projects naman ni Marcela ay pina-cancel lahat ni Javier matapos ang suicide attempt nito at kumpirmahin ng Psychiatrist na dumadaan nga ito sa Severe Depression, ilan
