Ang akala ko ay madali lang na takasan ang problema, tipong hindi ko na kailangan pang isipin iyong mga bagay-bagay ngunit nagkamali ako. Sa paglayo ko ay doon ako mas hinahabol ng nakaraan ko.
And when I say ‘nakaraan’— si Gabriel iyon. Siya lang iyong past ko na kay hirap kalimutan, maging iyong pagmamahal ko sa kaniya ay para bang nakaukit na iyon sa puso ko na gaano ko man burahin ay hindi ko magawa.
Pilit ko mang isantabi ang alaala ko kay Gabriel ay ayaw akong payagan ng utak ko dahil kung kailan nabalik ang memorya ko ay doon ko siya mas naiisip. Animo'y ginawa nitong tambayan ang utak ko at palagi ko itong nami-miss.
Well, iyong memories lang naman namin ang gusto kong balikan. Nakaka-miss din ang sumaya sa piling niya, iyong ngiti at mga banat nito. Lalo iyong pag-aalaga at sup
