"Hindi ko talaga makita 'yung—" ani Donna ngunit kaagad ding natigilan nang sundan nito kung ano ang tinitingnan ni Gabriel.
Mabilis na nagkatagpo ang mga mata namin, rason naman para masilayan ko ang unti-unting paglaki ng pareho niyang mata dala ng labis na pagkagulat. Maging ang pagbuka ng labi nito ay napanood ko maging ang pagkurap-kurap niya.
So, wala pala sa dalawa ang dahilan kung bakit narito si Gabriel? Marahil ay namasyal sila rito bilang ‘date’ nilang dalawa o baka naman ay dito nila naisipang mag-honeymoon at katatapos lang ng kasal nila?
Sa nagdaang mga panahon, marami nang nangyari. Wala akong naging balita sa kaniya kung kaya ay kung anu-ano na lang ang pumapasok sa utak ko na hindi ko malaman kung totoo nga ba o hindi.
Ngunit kung sabagay, lahat naman ng naging hinala
