Maigi kong inayos ang barabal na nasa ulo ko para mas takpan ang mukha ko, kapagkuwan ay dere-deretsong pumasok sa main entrance ng Monte Alba Hospital nang walang lingun-lingon sa gilid maging sa guard na nakabantay.
Gaano man din kadilim ang paningin ko sa suot kong sunglasses ay hindi alintana sa akin iyon. Hindi naman din ako ganoon ka-obvious since natural ng tirik ang araw sa labas dahil pasado ala una na ng tanghali.
Suot ko lang din ay denim pants at white loose shirt na tinernuhan ko lang ng strap sandal. Honestly, nagpunta ako rito para kay Gabby. Walang may alam at patago ko lang siyang bibisitahin para makumpirma ko na rin ang kasinungalingan ni Gabriel.
Balak ko pa sanang halughugin ang kabuuan ng hospital, mabuti at nakasalubong ko iyong isang kumpol ng mga nurse na mukhan
