Malakas akong napabuga sa hangin, kalakip nang paninikip ng dibdib ko. Tangina, ang bakla talagang i-describe kung ano itong nararamdaman ko. Basta feeling ko ay mahihimatay ako sa sobrang lakas nang pagtibok ng puso ko.
Partida at brokenhearted pa ako nito, kaya ang lakas naman ng loob ng puso ko na magwala nang gano'n? Inis kong binalingan si Paul Shin na animo'y baklang unggoy na nakakapit sa braso ko, takot lang niya na takbuhan ko silang dalawa ni Melvin.
Wala si Warren dahil busy ang isang iyon na maging isang ulirang asawa kay Tyra, si Leo naman ay hindi ko na kailangan pang sabihin kung ano ang pinagkakaabalahan niya. Malamang na nangha-hunting na naman iyon ng magandang babae.
Palibhasa ay hindi sila imbitado at ako lang itong nabigyan ng karangalan na mabigyan ng wedding invit
