"Jacky." Dinig kong pagtawag sa akin dahilan para muli akong mapahinto sa paglalakad ko, kapagkuwan ay hinanap kung sino ang nagmamay-ari ng boses na iyon.
Nang mapalingon ako sa bandang likuran ko ay doon ko nasilayan ang babaeng kanina ko pa gustong makita. Nakatayo ito ilang metro ang layo sa akin, ganoon pa man ay kitang-kita ko ang kabuuan ng mukha niya.
Marami man din ang dumaraang tao sa paligid namin ay hindi iyon alintana para maputol ang pagtititigan namin, tila ba pareho naming tinatantya ang emosyon ng isa't-isa. Kalaunan nang matanto kong siya nga ang bumisita kanina kay Gabby.
"Siobeh..." pukaw ko na hindi pa malaman kung ngingitian ko ba siya o ano, bandang huli nang maang ko lang siyang pagmasdan.
Sa tagal ng panahon na hindi kami nagkita ay masasabi ko na marami ang na
