SERONA POINT OF VIEW
Matapos kaming mag-almusal ni Thaddeus, nagpasya kami na dumiretso na upang tingnan ang apartment na kinuha niya para sa lilipatan nina Nanay at ng mga kapatid ko. Hindi ko maitago ang saya sa puso ko. Ang sarap sa pakiramdam na kasama ko siya sa ganitong bagay—parang lahat ay mas gumagaan kapag nandiyan siya.
Pagdating namin sa lugar, nagulat ako. Hindi pala ito basta apartment na tulad ng inaasahan ko—na parang condo lang na maliit at compact gaya ng tinitirhan ni Thaddeus. Kundi isang buong bahay pala ito. House for rent.
Napalingon ako sa kanya, may halong pagtataka sa mukha ko.
"Ahmm... Thaddeus, hindi kaya malaki din ang upa dito?" tanong ko, may pag-aalangan sa boses ko.
Tinapunan niya ako ng tingin at ngumiti, kalmado pa rin.
"Wag kang mag-alala. Abot-ka
