SERONA POINT OF VIEW
Nagising ako, hindi dahil sa sikat ng araw kundi dahil kusa na lang na bumukas ang mga mata ko. Ilang sandali rin akong nakatitig sa kisame, pilit inaaninag ang mga detalye sa paligid habang unti-unting bumabalik ang ulirat ko. Napadako ang tingin ko sa orasan na nakasabit sa pader—alas otso na ng umaga. Hindi ito ang oras na nakasanayan kong gumising. Karaniwan, alas dose na ng tanghali ako nagigising, lalo na’t wala namang mahalagang kailangang asikasuhin.
Tumagilid ako at saka ko lang napagtanto—nasa condo pa pala ako ni Thaddeus. Nakatagilid din siya at nakaharap sa akin. Tahimik ang lahat, maliban sa mahinang ugong ng aircon at ang marahang paghinga niya. Kahit nakapikit siya, malinaw pa rin sa isipan ko ang itsura ng mga mata niyang maamo. Ang ilong niyang mat
