البارت 4

3026 Words

زهور الهوى ح 4 البنات حسو انهم بقو وحدانيين خلاص الام اللي كانت الحب والحنان والرحمه خلاص ماتت بس اكيد ربنا مش هينساهم خلص العزا والبنات فضلو لابسين الاسود الاب جوهري فضل زي ماهو مش هامه كل اللي حصل لسه بيسهر وبيسكر وبيخرج بعد المغرب اول مابيصحى وبيرجع الفجر، سميره قالت وبعدين هنعمل ايه مع ابوكي دا. هيفضل قافل علينا طول الليل وقافل عالتلاجه كدا لا انا من حقي اكل ياناس انا مبحبش الحركات القرعه دي هاجر جابت من تحت السرير قوفت وفيها كام رغيف ناشفين وقربت من سميره وقالت لها اتفضلي ياحببتي ومتخافيش مش هتجوعي ابدا ياسميره طول ما احنا مع بعض عمر ما واحده فينا هتنام جعانه سميره قالت اي دا هو كان في عيش هنا وانا معرفش هاجر قالت ماما كانت بتحب تسيب عيش تحت راسها كانت تقول العيش لما يكون تحت دماغك الخير يبقى وراكي عالطول سميره فرحت وقالت روحي ياشيخه ربنا مايشمت فيكي عدو ولا حبيب اللهي ويجوعلك مصران سميره خدت العيش من اختها وقعدو تاكل فيه منى كانت باصه من الشباك وبتقول الله هو ايه حكايه الراجل اللي كل شويه يوصل البت حياه دة يكونش البت دي بتلعب بديلها من ورانا ولا حاجه هاجر احنا لازم نشوف حل ف البت دي احنا كدا المنطقه هتاكل وشنا هاجر قربت مز الشباك وشافت نفس المنظر اللي اختها كانت بتتكلم عنه قالت فعلا عندك حق يامنى قومي نادي عالبت دي قبل ما امها ترجع خلينا نشوف ايه حكايتها منى نزلت عالسلم وقالت بت ياحياه انتي يابت الله يحرقك خدي عايزاكي حياه قربت من منى وقالت ايه يا منى مالك عاوزه حاجه ياحببتي احسن انا نعسانه اوي وعاوزت اداخل انام منى قالت هتنامي ياختي متقلقيش تعالي بس معايا نتكلم شويه اصل احنا لازم نوضع حظ للي بتعمليه دا حياه قالت اي دا انتي اتجننتي ولا ايه ايه اللي بتقوليه دا يامنى بقولك ايه هي مش ناقصاكي اصلها ابعدي عني علشان تعبانه منى مسكتها من شعرها وبدأت تشدها على جوا البيت عندهم وقالت لما اقولك تيجي معايا علشان عايزاكي يبقى تيجي انتي فاهمه هاجر خرجت وكانت مذهوله من اللي بتعمله منى اختها بصتلها جامد وقالتله اي دا يامنى انتي مجنونه ازاي تتعاملي مع حياه كدا حياه طول عمرها اختنا ومتربيه معانا منى قالت بس هتجيب راسنا الارض بعمايلها حياه قالت ليه بقى ان شاء الله كنت بعمل ايه انا علشان دا كله بقولك ايه يامنى بلاش كلامك اللي يصد النفس دا اتكلمي معايا عدل هاجر قالت بس انتي وهي ايه شغل العيال دا وانتي ياحياه تعالي معايا لازم اتكلم معاكي هاجر خدت منى وبدأت تتكلم معاها لواحدهم على انفراد قالتلها اي يا حياه مخبيه عني ايه ياحببتي صارحيني انا اختك وانا اكتر واحده اخاف عليكي واعوذ مصلحتك واقدر انصحك واخد بالي منك قبل ماتغلطي او راسك تدوس ف الغميق حياه قالت انا مبعملش حاجه غلط ياهاجر انتي عرفاني كويس مش كدا هاجر طبطبت عليها وقالت عارفاكي ياحياه وعارفه انك مش ممكن تغلطي تعملي حاجه تضر اسمك وسمعتك بس قوليلي ايه حكايه الراجل اللي عمال يوصلك ف كل حته دا وايه حكايته وتعرفيه منين احكيلي كل حاجه عنه حياه قالت دا رؤوف زهران صاحب الشركه اللي انا شغاله فيها عنده املاك ياما يابت يا هاجر هاجر قالت ربنا يديله كمان وكمان بس احنا مالنا حياه قالت ماهو اصل عايز اااا هاجر قالت عايز ايه؟ هو ايه اللي عايز متنطقي اوعي تكوني شرفك حياه قالت قطع ل**ن اللي يقول كدا وبعدين هو اصلا حاول معايا بس انا ديما كنت بصدو وعلشان كدا هو قرر يطلب ايدي على سنه الله ورسوله هاجر قالت طيب قولتي لعمتي حياه قالت لمحتلها بس مع الاسف هي مش موافقه تماما وانا مش عارفه اعمل ايه ياهاجر بس مقدرش اسيب واحد زي رؤوف زهران يضيع من ايدي هاجر قالت يعني ايه عايزه تتجوزيه من ورا امك انتي عارفه دا ممكن يعمل فيكي ايه هتاخدي منه حقك ازاي لو طلقك ورماكي حياه قالت متقلقيش ياهاجر انا مش ع**طه انا عمري ماهسلم نفسي ليه الا لما اضمن كل حقوقي ــــــــــــــــــــــــــــــــــــــــــــ دخل الاب على بناته التلاته وهم لابسين اسود وقال خلاص خلصتو عياط ونواح وزعل يالا كل واحده منكم بقى تجهز نفسها حياتها الجديده وبيتها الجديد، كل واحده منكم هاتتجوز قريب اوي هاجر قالت جواز جواز ايه يابابا وامنا لسه مارتاحتش ف تربتها منى جواز ايه بس يابابا هو احنا ف ايه ولا ف ايه سميره قالت بابا انا جعانه؟ جوهري قال زي ماسمعتو كدا انتو التلاته هاتتجوزو وقريب اوي انتو خلاص كبرتو وحملكم تقل اوي عليا واذا كنتو فاكرين اني مسأول عنكم واقدر اربيكم تبقو غلاطنين امكم هي اللي كانت بتصرف عليكم اخوالكم واهلكم ف البلد هم اللي كانو بيبعتولها فلوس قبل ماتموووت ودلوقتي خلاص، اللي الفلوس كانت بتيجي بسببها اتكلت وسابتني انا احتاس هاجر قالت متشلش هم احنا هانشتغل ونصرف على نفسنا احنا مش عايزين منك حاجه منى قالت نشتغل ازاي ياهاجر انا مبعرفش اشتغل وديما بطرد من اي شغلانه بيقولو عني غ*يه وشكلي وحش وبعدين انت ازاي يابابا عايز تتخلى عنا كدا سميره قالت يابابا انا جعانه ياخونا حد يشوفلي اكل ف الليله دي علشان اعرف ارد عليكي انا من الصبح عماله اعيط ومكلتش طب دا انا اكتر واحده عيطت فيكم منى قالت ياشيخه اتنيلي بقا انتي ديما همك على بطنك كدة خلينا نشوف هنعمل ايه ف المصيبه دي جوهري قال متعمليش حاجه يااختي انتي وهي اللي كانت بدافع عنكم وتحميكم مني خلاص الله يرحمها وانتو التلاته دلوقتي ف ايد من لا يرحم وهتتجوزو يعني هاتتجوزو الاب مشي ورزع الباب وراه هاجر قالت وبعدين هنعمل ايه ف الورطه دي هنتسرف مع الراجل اللي برا دا ازاي دا اكيد هايبعنا انتو مش عارفين ابوكم بيحب الفلوس اكتر من روحه منى قالت مش يمكن الجواز يكون ارحم منه ياهاجر ، انتي ليه بتحكمي على الحاجه بالسلب مش يمكن الرجاله اللي هنتجوزهم يكونو حنينين علينا اكتر منه مش يمكن يعوضونا عن غياب امنا ويحسسونا بالحب والامان اللي اتحرمنا منه مع ابونا سميره قالت ياسلام لو يجوزني واحد عنده مطعم ويشغلني فيه زواقه اقعد كل شويه ادوق من صنف شكل يااااه دا انا وحشتني السمنه البلدي اوي اه افتكرت كان في شنطه تفاح تحت السرير كانت ماما بتاكل منها وهي عيانه اما اقوم اجيب كام واحده واكلها هاجر قالت بجديه ايه الكلام اللي انتي بتقوليه دا يامنى حب ايه وحنان ايه اللي بتتكلمي عنه الكلام دا مش موجود غير ف الروايات اللي بتقريها وبس اي راجل بيشتري ست بتكون عبده عنده طول العمر فاهمه يعني ايه عابده يعني بيستعبدها بيدوقها ذل ومرار ماشافتهوش ف حياتها انا مستحيل اتجوز بالطريقه دي انتو فاهمين انا لايمكن اقبل بالوضع دا سميره قالت ليه يعني ماهو احنا بنات ومسيرنا للجواز وبعدين زل ف بيت اجوازتنا احسن بيت ابوكي جوهري انتي عارفه معناتو انه يدخل علينا الدخله دي ويقولهلنا كدا بص**ح العباره هاجوزكم مالهاش غير معني واحد انه اكيد هايقفل بابا التلاجه بالقفل زي زمان هاجر قالت بكبوظه مش وقتك خالص عالفكرة احنا ف ورطه وانتي كل اللي يهمك الاكل وبابا التلاجه يعني انتو كدا موافقين على الجواز الاتنين قالو ايوا موافقين هاجر قالت بس انا بقى مش موافقه ولو السما نزلت على الارض _____________________ في مكان تاني كان قاعد شاب مع والدته الام وبعدين يا ابني هاتفضل لحد امته قافل على نفسك كدا لا انت عارف تنساها ولا عارف تتجوز وتعيش حياتك زي اي راجل لحد امته يا ابني هتفضل كدا لحد امته بس فهمني اوضتك دي اللي مليانه صور ليها امته هتتغير انت مش شايف نفسك بقيت عامل ازاي انت بتعذب نفسك يا ادم لا دا انت بتستمتع بالعذاب دا طول النهار ف شغل الشركه ورايح جاي ف سفريات وشغل مع العملاء وطول الليل سهر وشرب ارحم نفسك بقى يا ابني وارحمنا ادم قال محدش ليه دعوه بيا انا حر اعمل اللي انا عاوزه مهيتاب قالت لا انت مش حر انت ابني وانا مسؤله عنك واجبي قدام نفسي وامام الله اني اطلعك من اللي انت فيه دا ادم قال وانا مش هتغير يا امي هافضل عايش حياتي كدا زي ما انا وبعدين ايه اللي مش عاجبك مالو شغلي طول النهار ف الشركه ما انا خلتها احسن من ما كانت على ايام بابا الله يرحمه وبدل ماكانت شركه واحده خليتها مجموعه ولا ايه اللي مضايقك من سهري طول الليل خايفه على صحتي ولا على سمعتي وشكلك وسط اصحابك والمجتمع الستار اللي انتي عايشه فيه يامهيتاب هانم مهيتاب قالت الاتنين خايف عليك وعلى صحتك ياحبيبي انت عندي بالدنيا وعلشان كدا انا عملت حاجه علشانك وعلشان حياتك اللي بتضيع وانت مش حاسس بيها ادم قال ا مم اخدتي كام مليون المرادي وضيعتيهم ف الحفلات والندوات اللي بتعمليها ديما ماهيتاب قالت اللي عملته اكبر من كدا يا ادم، انا خليتك تبقى تحت درسي واخدت كل حاجه وخلتها بإسمي الورق خلاص خلص وكل حاجه بقت ف ايدي ولو متجوزتش وعملت كل اللي قولتلك عليه مش هتقدر تتحكم ف اي حاجه نهائيا واللي بنيته ف سنين هيتهد ف شهور وايام ادم بذهول قال انتي بتقولي ايه؟ ______________________ على القهوه كان قاعد مجدي مع صاحبه خالد خالد قال ياعم اشرب الشاي متخافش الحساب عندي مجدي ماصدق وشرب وقال ياعم مش المقصد بس اصل احنا بقى اخر الشهر وانت عارف الظروف خالد قاله ياباشا ولا يهمك المهم بقى قولي مالك في ايه قولتلي انا ف ورطه ومحتاج حد يساعدني خير ياباشا في ايه مجدي قال انا ف مصيبه مصلحه حلوه ولو طارت حاسس ان روحي هاتتسحب مني وتروح معاها خالد قال ياعم متقلقش مصحت ايه احكيلي ونفكر فيها واذا كانت خير نعملها سوا مجدي قال لا ماهي المصلحه دي بالذات مينفعش احنا الاتنين نعملها سوا الحوار صعب عليا اوي خالد ياعم ماتقولي بقا وترسيني في ايه مجدي قال اخيرا صاحب الشركه هيزود الموظفين خالد قال طيب كويس اوي فين بقى المشكله مجدي وهو بيشرب اخر بق وبيعمل صوت من الكوبايه وقال ماهي الزياده تبقى للموظفين المتجوزين وبس شوفت الكارثه اللي انا فيها خالد قال ا وووبا يعيني عليك ياميجو طبعا انت عندك الجنيه براجل ومش عايز تتجوز صح مجدي قال ايه الكلام دا ياخالد وهو انا جاي احكيلك ياجدع علشان تقول كدا انا انا انا حريص لكن مش بخيل خالد قاله اممم اه ماكلنا عارفين انك حريص طيب خلاص مش مهم بقى تستفيد بالزياده دي ماهو انت كدا كدا مش متجوز مجدي قاله ايه انت بتقول ايه يعني انتو كلكم تاخدو زياده وانا مخدش اشمعنه انتو تاخدو وانا لا خالد قاله ياعم صل عالنبي واذكر الله ف قلبك حرام عليك ياجدع انت هتبص ف القرشين الزياده ما احنا عندنا بيت وعيال عايزين مدارس ومصاريف لكن انت عايش وحيد ومتمخهم على قلبك قد كدا مجدي قاله اه انت هاتقر بقا خالد قال لا اقر ولا احسد حل عني ياعم انت بس انا ماشي سلام عليكو مجدي مسك فيه وقاله استنى بس خالد كدا بقا انا جاي استنجد بيك ونشوف حل تقوم قايل كدا اوقف جمبي والنبي الزياده دي انا لو مخدتهاش انا ممكن يجرالي حاجه خالد قاله مافيش غير حل واحد مجدي قاله ايه هو خالد قال انك تتجوز يامجدي _______________________ وف مكان غيره كان قاعد اب مع ولاده الاتنين الاب قال يعني ايه ياعمر مافيش ولا واحده عجباك لحد دلوقتي انت روحت مع اخوك عند كام بنت عاشور قال والله ياحج روحنا يجي عشر بيوت والبيه مافيش ولا واحده عجباه لحد دلوقتي عمر قال متتعبوش نفسكم انا مش هتجوز الحج مهران قال يعني ايه مش هتتجوز انت عايز ت**ر كلمتي عمر قال لاعاش ولا كان ياحجاللي ي**ر كلامك بس الموضوع ببساطه اني متجوز اي نعم اتأخرنا شويه انا ومراتي ف الخلفه بس دا مش معناه ابدا اني اتجوز عليها الاب قاله اتأخرتو شويه لا يا ابني انتو اتأخرتو كتيير اوي عشر سنين وانا نفسي ف ولد يدخل البيت وتقولي شويه انا عارف ومتأكد ان العيب من مراتك مش منك وعلشان كدا انا م**م انك تتجوز وتخلف واشوف عيالك بيجرو حواليا عمر قال لا انت مش عايز عيالي انت بمعنى اصح عايز ولد حفيد ولد علشان يورثك وياخد مكانك من بعدك وعايز تعمل كل دا على حساب سعاده ناس تانيه على حساب سعادتي انا وهناء وهي مالهاش ذنب ف كل دا مش ذنبها ابدا انها مبتخلفش مهران قال لا ذنبهاانا من حقي اشوف عيالك وبعدين انا مقولتلكش طلقها ورجعها لابوها لاني عارف انت ازاي بتحبها وعايزها جمبك ومعاك انا كل اللي عاوزه منك انك تتجوز وتخلف وحتى لو مش عايز تتجوز ياسيدي انا راضي من غير جواز المهم يجيلي الواد عمر بص لابوه بإشمئزاز وخرج عاشور قال الواد. دا طول عمره عندي ودماغه ناشفه ماتسبني انا ف المهمه دي ياحج طالما انت موافق حتى ولو من غير جواز مهران قال انت تخرس خالص انا مش عاوز منك انت عيال انت خلفتك كلها بنات انا عايز الواد دا يبقى من عمر انا متأكد انه هيجبلي الواد اللي بحلم بيه طول عمري بس ازاي بقى انا لازم اشوف شغلي معاه ــــــــــــــــــــــــــــــــــــــــ عمر رجع غرفته لقى روني مجهزه شنطتها علشان تروح مع عمر جوزها ويقضو الليله اللي وعدها بيها ف الاوتيل عمر دخل عليها وهو حزين روني قالت اتأخرت كدا ليه يابيبي انا كنت مستنياك بفارغ الصبر اما انا بقى عملت شوبنج واشتريتلك حته جاكت هايعجبك موووت خد اتفضل عمر بص عالجاكت لقى شكله غريب اوي وفي رسومات اغرب حاجات كدا شبه بيت الرعب قالها اي دا قالتله ايه باحبيبي عجبك ولالأ عمر قالها حلو وخامته تقيله بس انتي عارفه اني مش بلبس الحجات اللي زي كدة دي روني قالت ليه مالو ياحبيبي دا شكله شيك جدا وبعدين انا جبته مخصوص علشانك وخليك كول بقى كدا وعصري انت لسه شباب ياحبيبي عايزاك تبقى مز وقمر ف نفسك كدا وانت ماشي جمبي عمر قال مش هلبسه ياروني وبعدين اي دا انتي بتجيبي الحاجه من غير ماتسأليني عن رأي حتى عاوزاني البس على مزاجك وخلاص روني اتشعلقت ف رقبته وحطت اديها على ص*ره وقالت ياحبيبي ما انا عايزاك تبقى بروفشنال كدا وتكون شبه رجال الاعمال عمر قالها ياحببتي انا كدا هبقى شبه حمو بيكا مش شبه رجال الاعمال بصي ياحببتي انا معرفش البس اللبس دا مش لبسي دي مش حياتي ولا دا لوني انا موافقك انك عايزاني ابقى فرفوش وكول بس مش لبسي وستايلي قدام الناس لاني كدا هبقى بصغر من نفسي ترضي حبيبك يكون صغير روني قالت تؤتؤ عمر قالها طيب خلاص خلينا نمشي روني شبكت اديها ف ايد عمر حبيبها ومشيو سوا ــــــــــــــــــــــــــــــــــــــــــــــــــــــــــ تاني يوم حياه راحت المصنع اللي شغاله فيه وواحد من العمال جه وقالها حياه ررؤوف بيه عاوزك ضروري حياه اتخضت لدرجه ان القماش اللي ف اديها وقع منها بعدها بصه بثقه لعامل حياه قالت عاوزني انا؟ اه اكيد هيكلمني بخصوص المكن اللي عطل اول امبارح دا طيب اما اقوم اروحله دخلت حياه مكتب رؤوف المكيف وكان معاها العامل رؤوف قال اممم ايه اخبار المكن ياحياه ماشي كويس ولا في اي اعطال حياه قالت ماشي كويس يارؤوف بيه بس احيانا بيعطل انا شايفه اننا نغيره احسن رؤوف قال طيب تعالي عدي كام مكنه هتتغير وكام مكنه عطلها بسيط وممكن يتحل وبعدين بص للعامل اللي واقف جمبها وقاله وانت لسه واقف هنا بتعمل ايه اتفضل على شغلك العامل قال تحت امرك يارؤوف بيه العامل مشي وقفل الباب وراه ورؤوف مسك ريموت وداس عليه الباب قفل الكتروني علشان محدش من برا يقدر يفتح وقام من مكانه وقرب من حياه ومسكها من دراعها وقالها وحشتيني وحشتيني اوي ياحياه قلبي امتى بقى نتجوز نفسي تبقي مراتي ونعيش سوى اصحى على صوتك وانتي بتقوليلي بحبك وانام ف حضنك كل ليله وجودي حياه ليا ياحياه بحبك حياه قالت ياه يا رؤوف عليك كلام يدوخ انت عملت فيا ايه هو انت بجد ولا هزار رؤوف قالها لا انا جد وجد الجد كمان ها قوليلي بقا حددتي معاد اروح ازور فيه والدتك ولا لأ حياه قالت بصراحه لا رؤوف قالها ليه بقى انتي لسه قاصر ولا مستنياني اكون نفسي حياه قالت اهدى بس يارؤوف الموضوع مش كدا خالص رؤوف قالها اومال الموضوع ايه احكيلي حياه قالت رؤوف انا حكيت مع ماما وهي رافضه تماما بسبب فرق السن اللي مابينت بس انا قولتلها اني بحبك ومقدرش اعيش من غيرك ياحبيبي بس هي رافضه تماما رؤوف قالها كنت عارف ان دا هيحصل مامتك اكيد فاكره اني رجل اعمال وكل يوم اتجوز واحده ولما ازهق منها اطلقها زي كتير من رجال الاعمال بيعملو حياه مسكت ايده وقالتله ايوا بس انا مش عايزه غيرك ومصدقاك وبحبك يارؤوف رؤوف قال طب كدا مافيش غير كل واحد بس وهو اننا نتجوز ف السر من وراهم كلهم ونعيش حياتنا من غير عقد حياه بعدت اديها عنه وقالت ايه اللي انت بتقوله دا يارؤوف مستحيل اعمل حاجه زي كدا واتجوز ف السر انت كدا اكدتلي انك مش بتحبني يارؤوف ولفت وشها وكانت هتمشي بس رؤوف وقف ف وشها وقالها حياه انتي عارفه كويس انتي ايه بالنسبالي ف بلاش بقى حركات العيال دي انا عايز مصلحتك ومش عايز يكون في مشاكل بينك وبين والدتك حياه قالت سيبك من ماما خلينا نكتب الكتاب ونحطها قدام الامر الواقع ادم راح البار واتعرف على بنات كتيير هنام البنت نورتنا يا ادم بيه بقولك ايه احنا عايزين ندلعك عالاخر النهاردهةقولت ايه ادم قال قولت ياريت هو حد يكره الدلع البنت مسكته من ايده وشدته وفضلت ترقص معاه كتيير وف الاخر شدته على اوضه ف البار ادم من النوع ان لو مهما شرف مبيهموش وبيفضل فايق بردو علشان كدا هو كان حاسس وواعي بكل اللي بيحصل معاه بس سايبها تعمل الي هي عاوزاه البنت سندت راسه عالحيطه وبدأت تقرب من شفايفه وتبوسه وتفك زراير قميصه هي مش عايزه منه حاجه هي بس بتحاول تلهيه وبعدها مدت ايده ف جيبه وخدت المفاتيح وخدت المحفظه وموبايله وكل شئ معاه وبعدها باسته وسابته ولسه هتخرج راح ادم مسكها من شعرها وقال رايحه فين ياروح امك انتي فاكراني برياله ولا ايه لا دا انا صاحي وفايق اوي هاتي الحاجات اللي اخدتيها يا نصابه باحراميه البنت قالت انا مخدتش حاجه يا ادم بيه صدقني ادم شدها وسندها عالحيط زي هي ماكنت عامله وباسها بعنف شديد لدرجه ان البنت بكت ودموعها لمست خده راح بعد عنها وقالها يالا طلعي الحاجه اللي اخدتيها البنت بخوف منه طلعت الحاجه اللي معاها وحطتها على ترابيزه جمبها ادم ببرود قالها اللي انتي عملتيه دا غلط كبيير اوي ف حقي ولازم تتعاقبي البنت قالت اتعاقب ايه كمان حرام عليك انا شفايفي بتنزف دم ادم قالها تعالي معايا علشان اللي هاعمله فيكي هتحكيه لزمايلك وتعرفي وتعرفيهم مين هو ادم الجبالي ادم خدها معاه وكل البنات ف البار بقو يحسدوها على الليله الجميله اللي هتقضيها مع ادم الجبالي ادم خدها على اوتيل وحجز غرفه وطلعت معاه. البنت بتوسل ارجوك با ادم. بيه غلطه ومش هتتكرر صدقني اوعدك بس ارجوك سبني اروح لحال سبيلي وانا خلاص معدتش اروح بارات تاني خلاص توبه ادم مكنش مهتم لكلامها واخدها عالغرفه ودخلها ورزعها عالسرير وبدأ يفك زراير قميصه البنت قالت خلاص يا ادم بيه والنبي مش هكررها تاني انا اسفه ادم مهموش من كلامها ولسه هيقرب منها شاف حببته يسر بتقوله لا يا ادم متبقاش حيوان لا يا ادم ارجوك ابعد البنت ابعد عن البنت يا ادم ادم كان لسه هيقرب منها بس فجأه بعد وقالها اطلعي برا حالا،يالا البنت بسرعه خافت وطلعت برا وادم قعد عالسرير وبدأ يبكي على حببته اللي فارقته من سنين ياترى ايه حكايه ادم ومين البنت اللي. هترتبط بيه كل دا هنعرفه الحلقات الجايه

Free reading for new users

Scan code to download app

App Store Google Play

Facebookexpand_more