البارت الثاني

1025 Words

زهور الهوى البارت 2 البنات وقفو مستغربين مين دا اللي حياه واقفه معاه ومبسوطه حياه قالت مش ممكن يارؤوف بيه جايلي بنفسك علشان تعيد عليا والله دا يوم عيد بالنسبالي رؤوف بضحكه غزل انتي هبله ياحياه ماهو النهارده فعلا عيد حياه خبطت على دماغها وقالت يوووه دا انا اكيد مهيسه من سهري طول الليل وترويقي للشقه رؤوف قال بقا انتي تروقي انتي انا مش، مصدق يابنتي انتي تستاهلي تكوني ملكه برنسيسه تتحطي ف فاترين من ازاز وتتحطي ف احسن متحف حياه قالت متحف انا ف الاخر. اتحط ف متحف واللي رايح واللي جاي يقعد يتف*ج عليا، هو انا ف*جه ولا ايه يارؤوف بيه رؤوف قالها انتي م ل ك ه قالها برومانسيه رؤوف وتبدأ حياه تبص على عربيته الشيك وبدلته اللي تجنن تبدأ تحلم احلام مش من حقها وتفكر بطريقه مش منطقيه يبدأ شيطانها يوزها والطمع يعمي عنيها وياعالم هايودي بيها الطمع على فين جت سميره وخبطت ف العربيه وقالت بخفه دم لامؤاخذه ياعمو بس عربيتك مضيقه المكان اوي ممكن توسع رؤوف قال ها طيب طيب ابعدي انتي بس احسن بعدين السواق يدوسك كل سنه وانتي طيبه يا حياه ممكن تقبلي العديه دي مني رؤوف طلع ظرف وكان مليان فلوس وقال اتفضلي متت**فيش حياه مدت اديها وخدت الظرف منه ورؤوف قال يالا نهارك سعيد مع السلامه سميره قالت نهارك سعيد دا جاي من انهي فيلم عربي دا بذقنه البيضا دي حياه مشيت من قدامها وهي على وشها ابتسامه عريضه هاجر ومنى قفشو منها الظرف وقالو يخربيتك مين ابو نواف دا يابت حياه قالت ابو نواف ف عينكم انتو الاتنين دا مصري ياحببتي ورجل اعمال كمان دا رؤوف بيه زهران صاحب مصانع زهران للملابس والازياء والغزل والنسيخ منى قالت يخربيتك مش، دا اللي كنتي بتلعبي على ابنه الدكتور حياه قالت وطلع مغرور ومش، بيعرف بنات ولا عايز يرتبط من اساسه وبعدين لاقيت نفسي مشدوده ل رؤوف بيه وبعدين دا طلع انسان مش عادي خالص يابنات دة طلع رومانسي اوي وشيك اوي وعنده فلوس كتير اوي تعرفه نفسو يطلعني من الفقر اللي انا فيه بصو هو هداني العبايه دي قبل كدا تعرفو لما سألت عليها طلعت بكام منى قالت بكام حياه قالت ب 4 الاف جنيه قماشتها ايه دي بقا متعرفوش ولا الساعه دي عالفكرا دي طلعت برند عالفكرا وكمان شوفو العديه دا مديني عديه ولا عشر الاف جنيه شوفتو العز حلو اوي ياولاد ازاي مش العيشه الضنك اللي احنا عايشينها هاجر قالت ومالها عيشتنا يا اختي راضين بيها والحمد لله البطران اخره قطران ياحياه ومش كل اللي يجبلك هديه ولا يفرحك شويه يبقى غرضه الستر والخير ياحببتي خدي بالك من نفسك دا جايز يكون عايز حاجه تانيه احنا ف غنى عنها ـــــــــــــــــــــــــــــــــــــــــــــــــــــــــــــــ ف نفس الوقت تقريبا الام ماهيتاب قاعده ف القصر وبالها مشغول جدا على ابنها الغايب بقالو يومين ماهي ياترى روحت فين يا ادم ديما قالقني عليك كدا يارب تكون كويس وبخير ياحبيبي الشغاله متقلقيش ياست هانم ان شاء الله سي ادم هيكون بخير هو بس ممكن يكون بيحتفل بالعيد على طريقته الخاصه ماهي قالت اي دة انتي هتوقفي تحكي معايا ولا ايه امشي من قدامي بسرعه يالا الخدامه مشيت وماهي قعدت تتصل ب ادم ابنها من تاني ف نفس الوقت كان ادم ف اوتيل على البحر وبيبص على جمال الشط من خلال النافذه الزجاجيه فاقت البت اللي كانت نايمه معاه طول الليل وراحت وحضنته من ضهره صباح الخير يابيبي ولسه هتبوسه من خده راح قالها خلاص يومك معايا خلص فلوسك هتلاقيها ف الدرج برا البنت اتصدمو اول ما ادم قالها كدا قالت اي دا ايه قله الذوق اللي انت فيها دي عالفكرا دي مش طريقه تكلم بيها بنت كنت ف حضنها طول الليل ادم ض*بها بالقلم وقالها بنت اي بنت انا مش شايف قدامي غير عاهره اجرتها بفلوسي علشان اتمتع بيها وبس، واوعك تاني مره تتطاولي على اسيادك متنسيش، حجمك قد ايه انتي اقل من حشره تتفعص بالرجل وبس البنت حست بإهانه كبيره من ادم هي اصلا كانت عارفه انه مغرور وقاسي وتعرفه من زمان بس هي مازالت بتحبه زيها زي بنات كتييره اوي بتترمي تحت رجليه وهو مبيهتمش غير بمتعته هو وبس ودا كان ثاني عريس معانا ياترى من نصيب مين من زهور الهوى ـــــــــــــــــــــــــــــــــــــــــــــــــــــــــــــــ اما تاني عريس فهو مجدي نتانه دي شهرته لانه ببساطه بخيل اوي مجدي كان ف الشركه اللي شغال محاسب فيها،،، والمدير التنفيذي كلفه بمتابعه دبح وتوزيع لحمه العيد على موظفين الشركه واهل الخير مجدي،يالا ياخويه انت وهو، كل واحد كيلو كفايه متتبعوناش عالصبح بقا، احنا ف عيد كل سنه وانتو طيبين، يالا يا معلم ابدأ توزيع، وميل على ودن المعلم، بقولك ايه يامعلمه، انت بقى شلي كل العفشه بتاعت البهايم بما فيهم الكبده والمه والطحال والكوارع شوف انا عادد كل حاجه اه علشان بس متقولش الخير كتير واخد لاهل بيتي لا ياحبيبي خدلهم لحمه واذا كنت م**م عالعفشه خد المبار المعلم ياساتر يارب انا من ساعت ماشوفت وشك الفقرى دا عالصبح وانا كرهت نفسي، ايه ياعم انت عشر عجول هتاخد كل دا هتعمل بيه ايه دا انت حتى جواز مش متجوز هتاخدهم لمين كل دة هتاخده ف كرشك مجدي، يااخي قل اعوذ برب الفلق ف عينك الله كتك نيله كدت وانت جزار فقري وعينك صفرة انت مالك انت هاخدهم ل عيالي ولا عيال عيال انت شاري حاجه من جيب ابوك، انت هتاخد حسابك على داير مليم واللي اقولك عليا تنفذه يالا اشتغل والا ال 5 كيلو لحمه اللي هتاخدهم هيبو كيلو واحد المعلم خلاص خلاص ياعم منك لله حسبي الله ونعم الوكيل ـــــــــــــــــــــــــــــــــــــــــــــــــــــــــــــــ وف بيت تاني كانت الكل متجمعين على سفره واحده عيله مهران درويش مهران ـ اتفضلو سمو الله كل سنه وانتو طيبين وربنا مايحرمنا من اللمه الحلوه دي الكل قال.وانت طيب يا حج مهران، كلو فته العيد يا اخوانا بنفس مفتوحه دا النبي بارك ف الفته كلو ياجنه انتي وسندس، وعقبال مانشوف ولادك ياعمر يا ابني يااارب ستووووووووب، دي عيله مهران درويش، عنده ولدين، عاشو الكبير ومتجوز ومراته سمرا شويه بس جميله وجوزها ديما بيتنمر عليها بسبب سمار لونها ومعاه بنتين وابوه مانعه من الخلفه تاني علشان خايف ان تيجي بنت تالته معتقد ان خلفته كلها بنات، اما الابن التاني وهو عمر، عمر متجوز من عشر سنين ومخلفش مراته روني عملت عمليات كتير وربنا ما ارادش انها تحبل وهي اللي بتبوظ كل عمليه من غير ماحد يعرف والسبب هنعرفه مع الاحداث نرجع تااااااااااانيييييي مهران، عملتي ايه يا روني يابنتي ف اخر عمليه، النتايج طلعت ولا لسه، ياترى روني عايزه ايه بالظبط وليه بتحرم نفسها من احساس الامومه اللي كل ست بتحلم بيه يتبع، تحياتي صابرين علاء.

Free reading for new users

Scan code to download app

App Store Google Play

Facebookexpand_more