Habang gumugulong ang sasakyan ni Davis ay iisang tao lang ang nasa isip niya. Si Hope, ang babaeng mahal niya. Wala siyang ibang hinihiling nang mga oras na ‘yon kung hindi ang sana mabuhay pa siya. Mabigyan pa siya ng pagkakataon na makaligtas para mabalikan ang babaeng mahal niya. Nangako siya ditong babalikan niya ito at papakasalan. Bubuo pa sila ng pamilya kaya hindi pwede na hanggang dito lang siya. Gusto pa niyang makasama ang dalaga ng matagal hanggang sa pagtanda nila.
Hope, kapag nakaligtas ako dito. Pangako, babalikan pa din kita at hahanapin. Mahal na mahal kita, panalangin ni Davis sa kanyang isip bago tuluyang bumagsak ang sasakyan niya.
Nagtaka si Davis nang makita ang sarili na nasa isang bukid na naman. Napatingin siya sa paligid, napupuno ito ng mga iba’t-ibang k
