“Mag-iingat kayo ni Scarlet, Hope,” sabi ni Romina kay Hope habang nakahawak sa dalawang kamay niya.
Nandito ngayon sila sa bayan, sa sakayan ng bus papuntang Maynila. Sinamahan talaga siya ng kaibigan sa bayan para ihatid sa sakayan. Mabuti na lang at may isang bus na papuntang Maynila. Hindi na sila bababa kung saan-saan pa para lang sumakay ng ibang bus papunta sa Maynila.
Niyakap siya nito. “Mangungulila ako sa ‘yo, Hope, sa inyo ni Scarlet.” hinaplos nito ang mukha ng kanyang anak.
“Mangungulila din kami sa ‘yo, Romina, lalo na’t magkakalayo tayo.”
Sabay silang nagpabuntong-hininga. “Basta mag-ingat kayo. Lalo na’t nababalitaan ko na maraming masasamang tao doon, marami daw mandurukot kaya ingatan niyo palagi ang mga gamit niyo, lalo na ang pera mo.”
“Opo, mag-iing
