Nagtataka si Hope na makita sina Lola Belya at Davis na seryosong nag-uusap. Hindi niya marinig kung anong pinag-uusapan ng dalawa dahil malayo siya, pero sa nakikita niya ay mukhang seryoso ang pinag-uusapan ng mga ito. Nakita niya kung paano napabuga ng hangin ang kanyang Lola Belya.
Napaisip tuloy siya kung ano ang pinag-uusapan ng mga ito at sa tingin pa lang niya sa kanynag lola ay mukhang may problema ito. Lalapit na sana siya, pero biglang lumingon sa kanya si Davis. Ang kaninang magkadikit na kilay, ngayon ay magkahiwalay na at nakangiti na itong nakatingin sa kanya. Sa isang iglap ay biglang nag-iba ang mood nito.
Nagpaalam na ito sa kanyang lola saka lumapit sa kanya. Inakbayan siya nito saka dinala sa kusina.
“Anong pinag-usapan niyo ni Lola?” tanong niya nang makara
