NAKATULALA lang si Gella sa puntod ng kanyang anak. "Our Little Angel" lang ang nakaukit sa lapida pati ang araw ng kamatayan nito. Nakakalungkot na hindi man lang nila nabigyan ng pangalan ang kanilang anak.
Papalubog na ang araw at nakaalis na rin ang mga kaibigan at pamilya nila na dumalo sa misa kanina. Nanatili pa rin siyang nakatayo roon. Ayaw pa niyang iwan ang baby niya. Hiniling din niyang mapag-isa roon.
Matagal niyang pinangarap at hinintay ang maging isang ina. Ipinaranas naman sa kanya ng Diyos kung paano maging ina sa pamamagitan ng pagbubuntis, pero agad ding binawi sa kanya ang bata. Kahit pa sabihing hindi naisilang ang anak niya ay masakit pa rin iyon para sa kanya.
Naramdaman niya ang pagpatong ng kung anong mainit na bagay sa mga balikat niya. Agad niyang natanto na
