Nandito ako ngayon sa baba para abangan ang mga darating.
Nauna pala si Laykienne at sila Mom. Agad ko silang niyakap.
"Miss na miss ka na namin, Anak. Salamat at ligtas ka," ika ni Dad.
Minsan lang maging sweet si Dad kaya nakakagaan ng kalooban kapag sinasabi niya ang mga ganitong kataga.
"Miss ko na rin po kayo. Ang mahalaga ngayon ay lahat dapat tayo ligtas. Hindi pa sigurado ang kalagayan ko kaya kailangan ko na kayong ihatid sa kwarto na para sa inyo," ika ko.
"Napabilis ang pagkikita natin. Ang alam nga namin ay inoobserbahan ka pa ni Hero. Sana naman ay wala nang mangyari sa iyong masama. Huwag ka masyadong magpakapagod, Anak ha?" ika ni Mom.
Si Hero na ang bahalang magpaliwanag sa kanila pagkabalik niya. Maganda kung sabay-sabay na lang nilang maintindihan ang nangyayari at
