Pinagpawisan ako sa mga tanong sa akin ni Peter. Para akong nasa hot seat noong mga panahon na iyon kaya buti na lang natapos na agad ang eksenang namin iyon.
Bago magdilim ay bumalik kami sa Alfero Extension, hindi naman kami late, mabuti nga iyon nang hindi kami mapagalitan ni Madam.
“Saan ka ba pumunta? Kanina ka pa namin hinahanap!” Si Petra ang una kong nakita pagbalik namin sa baba.
“Bakit kasama mo si Peter?” Umeksena ang isang babae at ang tulis ng mata niya. Ang sama ng tingin sa akin at diretso pa iyon sa mga mata ko.
Para bang nanghahamon ito dahil kasama ko ang boyfriend niyang umalis kanina. E hindi niya naman boyfriend si Peter kaya bakit ako matatakot sa kaniya? Kung girlfriend siya ni Peter baka pa humingi ako ng tawad sa kaniya pero hindi naman. She doesn’t have th
