ALAM kong sinabihan ako ni Senyora na makinig lang dapat ako pero hindi na ako makatiis at muli na namang bumuka ang bibig ko para mag-react sa mga sinasabi niya.
“Tayka lang po, Senyora. Awat po muna… Bakit po ako? Tsaka sigurado po ako na maraming babae ang nakapila na mapansin lang ni Senyorito. Kayang-kaya niya po makahanap ng kasintahan kahit pagsabay-sabayin niya pa ang sampung babae kung gugustuhin niya.”
“Iyon na nga ang problema, Ellie. He won’t do that! Dahil sa isip at puso niya ay wala siyang ibang gustong gawin ngayon kundi ang mabawi si Kristel kahit may asawa na ito. Hindi niya papayagan na may ibang babaeng pumasok sa buhay niya… Isa pa wala akong tiwala sa mga babaeng naghahabol sa kanya. Karamihan sa kanila ay mga gold digger. Mga babae na gusto lang gamitin ang anak
