UNANG araw pa lang ay nakuha na agad ni Xander ang loob ni lola at ng mga kapatid ko. Lalo na si Ryan na sabik magkaroon ng isang kuya. Maghapon na kinulit si Xander. Isa kasi sa pasalubong sa kanya ni Xander ay laruan na eroplano na lumilipad gamit ang controller. Sabi ni Xander ay drone daw ang tawag doon. Nako sobrang tuwa ni Ryan. Pangarap kasi niyon ang maging piloto. Kaya hindi tinantanan si Xander sa pagpapaturo paliparin ang drone hanggang hindi nito natutunan paliparin iyon mag-isa.
Si Rochel naman ay tuwang tuwa sa DIY beads accessories set na isa sa mga pasalubong namin sa kanya. Medyo mabutingting kasi ito at may pagka-creative kaya nang tanungin ako ni Xander kung anong magugustuhan ni Rochel na pasalubong maliban sa mga binili namin na sapatos at mga damit ay iyon ang naisi
