ILANG araw kong pinag-isipan kung tama bang sabihin ko kay Senyora Aurora ang mga narinig ko na sinabi ni Senyorito Xander sa kung sino man ang kausap niya sa cellphone. Pero kung may balak ngang masama si Senyorito Xander ay dapat lang na malaman ni Senyora Aurora, diba? Paano kung mapahamak siya sa gagawin niya?
Dahil sa isipin na pwedeng mapahamak si Senyorito Xander ay tumibay ang desisyon ko na ipagbigay alam kay Senyora Aurora ang mga nangyayari sa anak niya. Kung may isang tao man na alam kong makakatulong sa kanya iyon ay walang iba kundi ang sarili niyang ina. Gaano man ka matagumpay sa buhay ang isang anak naniniwala pa rin ako na paminsan ay kailangan pa rin nito ang gabay ng isang magulang.
Dalawang araw pagkatapos kong i-report kay Senyora Aurora ang totoong mga nangyayari
