KASALUKUYAN akong naghahain ng hapunan namin ng marinig ko ang sigaw ni Lola mula sa kwarto niya.
“Itang... Itang, halika nga dito sandali!” narinig kong tawag sa akin ni lola Carmen.
Iniwan ko muna ang ginagawa ko at agad ko naman siyang pinuntahan. “Lola, bakit po?”
Aba’y nawawala iyong titulo nitong bahay at lupa natin. Inilipat mo ba ng lagayan?” tanong sa akin ni lola.
“Hindi po. Baka naman po nandyan lang ‘yon.” Nakitulong na rin ako sa paghahanap ngunit wala talaga kaming makitang titulo ng lupa. “Eh, lola sigurado po ba kayo na dito niyo inilagay? Baka naman po nakalimutan niyo at nailipat niyo po pala ng lagayan.”
“E saan ko naman iyon iatatago? Nandito lang naman sa bag na ito ko nilalagay ang mga importanteng papeles. Maski nga ang deploma mo noong elementary at high sc
