BUMITAW si Wesley ng bahagya sa kasama niya at bahagyang yumuko sa akin para bumulong. “Elenita, huwag dito. Huwag ngayon…” wika niya at sumulyap sa paligid namin na may ilan sa mga guests at empleyado ng hotel ang nakatingin sa direksyon namin.
“Wes, who is she? Do you know her?” tanong ni Crystal. Kilala ko siya pero hindi niya ako kilala. Bahagya nitong kinabig si Wesley palapit na para bang itatakbo ko si Wesley palayo sa kanya. Tinapunan din ako nito ng mapanuri na tingin mula ulo hanggang paa tapos ay pabalik.
Siguro dahil maliban sa mukhang mumurahin ang suot ko at halatang alangan ang ayos ko sa lugar na kinatatayuan namin ay may bahagi rin sa bandang dibdib ko ang basa at may mantsa ng milk tea na natapon sa akin kanina. Ako mismo sa sarili ko ay alam kong mukha akong basahan
