ANG sumunod namin na pinuntahan ay isang mamahalin na boutique. Inutusan niya akong pumili ng mga damit ngunit bawat isukat ko ay hindi naman niya gusto.
“Ano ba ang problema sa damit na ‘to? Maganda naman ah.” Niyuko ko ang lampas tuhod na suot kong bulaklakin na bestida.
“Hindi purkit maganda ay bagay na sa lahat,” tanging sagot nito.
“Ang sama talaga ng ugali ng hayop na ‘to,” bulong ko. “Lahat na lang ng pinipili ko hindi mo gusto. Napapagod na ako sa pagsusukat ah,” reklamo ko sa kanya.
“Paano lahat naman ng pinipili mo ay presyo ang tinitingnan mo at hindi kung talagang babagay sayo.”
Napangiwi ako sa sinabi ni Senyorito Xander. Totoo naman kasi na presyo ang tinitingnan ko. Ang mamahal naman kasi ng mga damit nila dito. Kaya doon ako pumipili sa mga sale at sa tingin ko ay
