NANG sumunod na mga araw ay naging napakasaya ko. Paano ay naging mabait na sa akin si Senyorito Xander este Xander na lang pala ngayon. Sabi niya kasi Xander na lang daw ang itawag ko sa kanya total ay magiging mag-asawa naman na kami. Naging sweet na rin siya sa akin bagay na sobrang nakakapanibago. Sanay kasi ako na sinisigawan niya lang. Kaya ang tratohin niya ako na parang babasagin pinggan ay hindi talaga ako sanay. Pero grabe ang sarap pala ng feeling na tratuhin kang espesyal ng isang Alexander Altmann. Parang sasabog na ang puso ko sa sobrang saya.
At syempre ang isa pang tao na lubos na masaya sa mga nangyayari ay si Senyora Aurora. Parang mas excited pa nga siya sa akin sa pag-aasikaso ng bawat detalye sa kasal namin ng anak niya. Katulad na lang ngayon. Hindi ko alam kung ano
