SERYOSO? Alam ko na minsan ko ng sinabi sa kanya na dapat lumuhod muna siya sa harap ko habang may hawak na singsing bago ako pumayag na magpakasal sa kanya pero hindi ko naman inaasahan na gagawin niya talaga yun.
Muli akong napatayo mula sa pagkakaupo habang nakatakip ang mga kamay ko sa bibig ko dahil sa pagkagulat sa ginawa niya.
”I can't promise—"
"Sandali lang," awat ko sa kanya. "Pakitagalog lang para naman maintindihan ko lahat ng sasabihin mo."
Natawa siya sa sinabi ko pero sinunod naman niya dahil ng muli siyang magsalita ay tagalog na ang gamit niyang mga salita.
"Hindi ko maipapangako sayo ngayon ang puso ko dahil hindi ko naman hawak ang t***k nito. At ayaw ko rin naman magpanggap at magsinungaling sayo… Pero kapag pumayag kang maging asawa ko, pangako kong gagampanan
