MULA sa pakiki Marites ko kay kuya Tony ay napag-alaman ko na ang bwesita ni senyorito Xander na si Mia Maldita ay ex girlfriend pala nito. Pero hindi ito ang ama ng batang lalaki na Shawn Aldwin pala ang pangalan.
“Kuya Tony, kung hindi si Senyorito Xander ang ama ng bata ay sino?” patuloy na pakiki Marites ko sa pag-aakala na mauuto ko si kuya Tony para mag spill ng tea.
Umiling si kuya Tony. “Aba malay ko. Pero sigurado akong hindi ako ang ama,” may pagbibiro na sagot ni kuya Tony.
“Kuya Tony naman patawa ka.” Inis akong napakamot sa batok ko. Akala ko pa naman may mahihita ako. Nagpagod pa akong magluto ng meryenda na ginataang bilo-bilo pang suhol ko sa kanya, yun pala ay wala rin naman akong mapapala.
“E kasi naman bakit parang interesado ka naman yata masyado?” natatawang
