DAHIL ilang araw na rin akong puyat ay naidlip ako sa sofa habang naghihintay kay Senyorito Xander. Kaya hindi ko namalayan ang pag-uwi niya. Nang magising ako ay nakita ko na lang siya sa may bar dito sa mansion at umiinom habang parang kay layo ng iniisip.
“Senyorito, kanina pa po kayo? Pasensya na po nakatulog ako at hindi ko namalayan ang pagdating niyo…” wika ko habang kinukusot ang inaantok ko pang mga mata.
“Go to sleep, Ellie.”
“Eh kayo po. Hindi pa po ba kayo matutulog?” Tiningnan ko ang hawak niyang bote ng mamahaling alak. Sigurado ako marami-rami na siyang na-iinom mula doon maliban pa sa hindi ko sigurado kung gaano na karami ang nainom niya sa labas bago siya umuwi. “Mawalang galang na po pero hanggang kailan po kayo magkaka ganyan, Senyorito? Balak niyo po bang patayin
