MARIAH:
NAG-IINIT ang mukha ko na nahihiyang makipag kwentuhan sa pamilya ko. Kahit dama ko namang napakasaya nila at init ng pagtanggap nila sa akin higit sa lahat ay damang-dama ko silang parte ng puso ko ay nahihiya pa rin ako. Napakaganda kasi ng Mommy Lira at kambal kong si Andrea. Para silang buhay na barbie kung ilalarawan.
Mahaba ang alon-alon at kulay blonde nilang buhok. Maputi at mala porselana ang kinis ng kutis nila mula ulo hanggang paa. Napakaamo ng maliit nilang mukha. Balingkinitan ang katawan nila na may katangkaran silang babae. Kahit hindi naman nalalayo ang katawan ko sa kanila at kutis ay nahihiya pa rin ako pagdating sa mukha ko. Maging ang dalawang kamay ko kasi ay nasunog din kaya kulubot ang nangingitim na balat.
Habang ang Daddy at mga kapatid kong lalake ay
