ALEX POV:
Masayang masaya siya na pumayag na ang nobya na magpakasal sila. Ang pagpayag lang naman nito ang hinihintay niya para maasikaso na ang lahat ng kailangan nila sa kasal. Nakausap na niya ang Ninong niyang si Judge Fuentes tungkol sa pagpapakasal niya sa dalaga. Grabe nga ang tawa nito nung sabihin niya rito na magpapakasal siya at ito ang magkakasal sa kanila. Meron na raw ba siyang bride? Nang sabihin niyang hindi pa niya naaabisuhan ang babaeng papakasalan niya ay humagalpak ito nang tawa. Mukhang naging clown pa siya at naging katatawanan para sa Ninong niya. Dapat raw mapapayag muna niya ang babaeng gustong pakasalan bago magsabi sa kanya. Para sigurado raw talaga ang kasal at hindi drawing lang. Hanep rin sa asaran ang Ninong niya. Ngayon na ayos na ang usapan nila ng dalag
