"Oh, next na. Next na!" wika ni Clyde nang mapansin ang pananamlay ni Cass. Kailangan na nilang umusad upang mag-iba na ang awra ng paligid. Gusto niya na ngang ipatigil ang laro kaya lang ay nag-i-enjoy ang iba.
Sumunod naman si Max at pinaikot na ang bote. Tumapat iyon kay Monica.
"Ako na ang magtanong," presenta ni Antoine. Kinilig kaagad ang iba.
"Bakit ikaw?" protesta ni Monica.
"Bakit hindi? Madali lang naman ang tanong ko." Ngumiti si Antoine. "Anytime ba papakasal ka sa akin o nag-aalinlangan ka pa? Iniisip ko kasi na baka iniisip mong posibleng hindi pa rin tayo ang magkakatuluyan. Marami pa kasi akong kailangang patunayan sa iyo."
Nagbuntong hininga si Monica. "Tatapatin kita, ha? Ayaw ko kasing magsalita ng mabulaklak dahil lang sa masaya ako sa iyo ngayon. Inaamin kong nag
