"Sa tingin ko, umepekto na ang drugs na ininom mo. Tigilan mo na nga ako, Rosmary. Wala akong panahon sa iyo," inis na sambit ni Valentina.
Bumuntong hininga si Rosmary. Naglakad siya palapit sa dalaga. "Hindi ako naka- drugs o ano man. Nasa tamang pag- iisip ako. At gusto ko na talagang magbago."
Umarko naman ang kilay ni Valentina dahil hindi pa rin siya naniniwala sa sinasabi ni Rosmary. "At bakit mo naman naisipang magbago? Ano ang nakain mo para maisipang gawin 'yon?"
Tipid ngumiti si Rosmary. "Naisip ko iyon dahil tumagos sa puso ko ang sinabi sa akin ng kaibigan kong si Marisol. Sabi niya sa akin kung hindi raw ako magbabago baka mawala na sa akin ang lahat. Sa totoo lang, Valentina hindi naman ako ganoon kasama. Hindi naman ako sobrang sama. Siguro kaya ganito lang ako dahil may
