"Umalis ka na, Simon kung ayaw mong kuyugin ka ng mga tao dito," pagtataboy sa kaniya ni Valentina.
Asar na tumawa si Simon. "Siya ba ang pinalit mo sa akin? May pantapat ba siya sa kung anong mayroon ako?"
Matalim na tiningnan ni Valentina si Simon. "Tingnan mo ang ugaling mayroon ka. Ang yabang mo. Sa pananalita mong iyan, parang minamaliit mo na rin ang kapwa mo. Pero para sabihin ko sa iyo, may ibubuga ang boyfriend ko. Siya ang may ari ng malawak na lupaing kinatatayuan mo. Pero hindi naman iyon ang nagustuhan ko sa kaniya. Alam mo kung ano? Mabuti siyang tao. May respeto sa akin. At hindi hinusgahan ang pagkatao ko kahit naikuwento ko na sa kaniya ang tungkol sa atin."
Nagtangis ang ngipin ni Simon. Tila isang sampal sa kaniya ang sinabi ni Valentina. Tumingin siya kay Aaron at na
