معشوقتي

رواية "معشوقتي" (الفصل الأول) كانت تجلس (حور) على الفراش ، تمسك أحدى صور والدتها المتوفاة منذ أسبوعين ، تبكي بحزن على فراقها قالت بصوت مسموع تحدث صورة والدتها بنبرة م**ورة ضعيفة : _ كدة يا ماما تسيبِني وتمشي ، أزاي تسبيِني يا ماما أنتي عارفة أني مقدرش أعيش من غيرك زاد بكائها وهي تتذكر الأوقات الذي جمعتها بوالدتها وأكملت حديثها : _ مين يقرأ معايا سورة الملك قبل ما انام ، مين يسمع لي الورد بتاعي ، مين هــ يفكرني بسورة الكهف يوم الجمعة ، مين هيبقى معايا في كل ده ، إنتي مشيتي ليه أنا مقدرش أعيش من غيرك احتضنت الصورة بحزن وقالت : _ هتوحشيني اوي يا أمي ، هيوحشني حنانك وصوتك وكل حاجه فيكي دق باب المنزل بعنف ، دليل على وجود شخص ليس لديه إحترام على الباب ، تركت الصورة وجففت دموعها بمنديل ورقي ، زاد الدق ل تزداد سرعتها في الوصول لذلك الباب الملعون ، ما أن فتحت ورأته ، زفرت بعنف وقالت : _ عايز إيه يا وليد !! أبتسم (وليد) بسماجة وقال : _ أنتي عارفة أنا عايز إيه _ أه عارفة ، وقولتلك لا ، أنت معندكش دم _ أه أنا معنديش دم وهتجوزك يعني هيتجوزك _ أنا وأنت عارفين أنت عايز تتجوزني ليه ، عشان الورث بتاع أمي ، بس ده بعينك حتى لو هـ وزعه على الجمعيات الخيرية ، لكن أني اديهولك ده مستحيل _ بصي يا بنت خالتي من الأخر كده ، ورث العائلة مش هيطلع بره ، يعني مفيش غيري إلى هتتجوزيه ، يا أنا يا مفيش _ يبقا مفيش وأغلقت الباب بـ وجهه ، سمعت صراخه على الباب وهو يقول : _ ماشي يا حور دماغك الناشفة دي إلى هتضيعك أنتي وأبوكي سمعت صوت قدمه وهو يهبط ، تن*دت بتعب وهي تشعر أن القادم ليس خيراً _________ (سوهاج) كان (آدم) يجلس على السفرة وبجانبه ش*يقته (ورد) يذاكر معاها أحدى المواد الدراسية (الجيولوجيا) قالت (ورد) بملل : _ أنت مبتعرفش تشرح ، شرحك وحش أغلق الكتاب بعنف وقال : _ أنتي إلى مخك زنخ قالت بحزن : _ مش كنت تدخل علوم كان زمانك عارف تفهمني حاجه دلوجتي (دلوقتي) وضع يده على إحدى وجنتيه وقال : _ ومدخلتيش أنتي رياضة ليه ، علوم دى للفاشَلة اللى زيك قالت بسخط : _ منيش فاشلة يا أخوي، أنت إلى دماغك آلة حاسبة فرك يده وكأنه يستعد وقال : _ طيب هجولك حاجة ساهلة 100 × 100 بكَام ضحكت (ورد) بفرحة وقالت : _ إية السؤال التافه ده ، ب1000 طبعا ضحك بسخرية وقال : _ ب 10,000 ياجاهلة ، شوفي عشان تعرفي أنك جاهلة ، يا جاهلة ، هو ده التعليم يابتاعت ثانوية كان يهبط من على السلم ببطئ ، هز راسه بـتعب وهو يسمع شجار (آدم) و (ورد) المستمر ، ما أن أنتهي من هبوط السلم قال بصوت عالٍ : _ يا آدم سيبك من البت الفاضية دي وتعالَ نهض (آدم) مسرعاً إلى (أنور) ، قبل يده بأحترام وقال : _ صباح الخير يا جدي نهضت (ورد) من مكانها وذهبت إلى (أنور)، قبلته في إحدى وجنتيه وقالت : _ صباح الورد يا جدو ضحك (أنور) وقال : _ صباح المذاكرة يا روح جدك الصغيرة أنتي ، يلا روحي ساعدي أمك في المطبخ ذهبت (ورد) إلى المطبخ ، قال (أنور) : _ كنت فين الصبح سألت عليك مَراتك جالتلي مش موجود أمسك (آدم) يده وأجلسه على إحدى الأرائك وقال : _ معلش يا جدى أصلي روحت صليت الفجر في الجامع وجعدت لحد الضحى هناك _ يحميك لشبابك ياولدي ، صحيح عايزك في حاجة جلس بجانبه وقال : _ أمرك يا جدي _ كنت عايزك تدي المحصول المره دي للست بركة وتدفع إلى تدفعه أندهش (آدم) من قول (أنور) وقال : _ أزاي يا جدي المحصول المرة دي لــ توفيج أبن الحج محمد _ عارف يا ولدي بس أتصرف عشان خاطري ، الست جت أمبارح وشكلها تعبانة جوي ، أتصرف يا آدم تن*د (آدم) بتعب ثم قال بـــ قلة حيلة : _ إلى تؤمر بيه يا جدي ربت (أنور) على ظهره بحب وهو يقول : _ يخليك ليا يا ولدي __________ فتح (أسعد) الباب ، وهو يشعر بتعب شديد ، ألقى نفسه على أول مقعد قا**ه ، فتح أول زرار من قميصه ليتمكن من أدخال قدر أكبر من الهواء إلى رئتيه ، خرجت (حور) من غرفتها على أثر صوت الباب لتجده والدها ارتمت بين ذراعيه وقالت بعتاب : _ اتاخرت كده ليه يا بابا قال لها بنبرة متعبة جداً : _ معلش يا حبيبتي ، عشان أول يوم أرجع الشغل بعد الأجازة عشان كده كان فيه شغل كتير جلست في المقعد المقابل له وقالت : _ حمد لله على سلامتك _ في حاجة حصلت و أنا مش موجود تذكرت ما فعله وليد ذلك الزائر الغير مرحب به أطلاقاً وقالت : _ وليد جه تاني وهددني أني لو متجوزتوش هنندم أنا وأنت زفر بأختناق قائلاً : _ وبعدين بقى في الواد دا ، والله لو مكنش قريب أمك أنا كنت نفخته ، بس عشان عايدة (زوجته الراحلة) هسكت ، لما يجي تاني متفتحيش الباب وأنا هجيب نجار يعملك عين سحرية هنا ، أما نشوف أخرتها مع أبن زيدان ونهض من مكانه وذهب إلى غرفته ليبدل ملابسه ، بينما (حور) تجلس على المقعد كما هي ، تشعر بالحزن على والدها ، برغم من أنه لا يتمكن من الوقوف أمام وليد بسبب مركزه ، ألا أنه دائما يشعرها بالأمان ________ (بعد عدة أيام) دلف (أسعد) إلى المنزل بتعب وهو يشعر أنه سوف يختنق من شدة الحزن ، جلس على مقعده المعتاد ، صاح بصوت عالٍ نسبياً بــ (حور) ، لتأتي مسرعة من المطبخ وهي تقول : _ بابا أنت جيت امتى ، حمد لله على السلامة قال بيأس : _ اللي كنت خايف منه حصل ، اترفدت من الشغل النهارده ضحك بحزن ثم أكمل : _ والسبب أني سيء السمعة و بشجع الموظفين على الرشاوي ، متوقعتش أن وليد يعمل كدة ابتلعت ل**بها بتوتر وقالت : _ ما يمكن حد غير وليد _ ربنا يسامحه ، مش عارف أعمل إيه ، أتصرف أزاي يارب امسكت يده وقالت : _ ولا حاجه ، تروح تغير هدومك وربنا هيحلها من عنده نهض (أسعد) بتعب وذهب إلى غرفته ليبدل ملابسه ويصلي صلاة حاجة لله عله يف*جها من وسع . أما (حور) نهضت ذاهبة إلى المطبخ ، أوقفها طرق الباب ، التفت لتذهب إلى الباب ، فتحته بحسن نية لتجده (وليد) يبتسم بانتصار قال بنبرة ساخرة : _ أخبار والدك إيه ، وصلك خبر رفده ولا لسه قالت بعداوة : _ أه وصلني ومن ساعة ما وصل وأنا حاسه أني مديونة لك عقد حاجبيه بدهشة ، وقبل أن يلفظ بأي شئ ، لطمت إحدى وجنتيه بيدها قالت بسخط : _ لو شوفتك هنا تاني هقطعلك رجلك فاهم يا روح بابي وأغلقت الباب بوجهه ، خرج والدها من غرفته ونظر لها بدهشة ثم قال : _ هو كان في حد بيخبط كانت ستقول له لكنها فضلت عدم القول وقالت : _ لا محدش ده عند الجيران هز رأسه وقال : _ ماشي يا حببتي روحي شوفي هناكل إيه بقى ، عشان أنا جعان _ حاضر يا بابا __________ _ فُرجت يا حور مي مالك - Mai Malek "بقلمي / مي مالک ?"