The Billionaire's Escort

"Lola, asan po sina mama?", tanong ni Ella sa kanyang lola. Simula ng mamulat sa mundo at nagkaisip si Ella ay hindi nya man lang nakita ang kaniyang mga magulang, tanging ang larawan na lamang ng mga ito noong kasal nila ang nakita niya, yun lamang ang pagkakakilanlan niya sa kaniyang mga magulang. "Ah, eh apo bakit mo sila biglang natanong? diba sabi ko sayo wala na sila at hindi na sila babalik. Ba't bigla mo ata silang hinahanap?", balik tanong sa kanya ng kanyang lola Talia. "Birthday ko na po bukas at pitong taon na po ang lumipas nung iniwan nila ako, at hanggang ngayon hindi panrin pon sila bumabalik. Siguro po hindi na talaga nila ako naaalala, Sorry lola, hayaan niyo po. Simula ngayon ay hindi ko na po sila kailanman hahanapin. Masaya na po ako na kasama ko kayo at kuntento na po ako" sambit ni Ella at sabay halik sa pisngi ng matanda. Sumapit na nga ang kaarawan ni Ella, sobrang saya niya at kasama na naman niya ang kaniyang lola at ang matalik na kaibigan na si Gean, isa na ring ulila si Gean at siya ay naninirahan sa tiyahin niyang ubod ng sama ng ugali. Masayang sinalubong ni Ella ang kaniyang ikasampung kaarawan kasama ang dalawang espesyal na tao sa buhay niya. Walong taon ang lumipas at sa loob ng panahong iyon ay hindi naramdaman ni Ella ang kakulangan sa buhay nya dahil sa pag-aaruga at pagmamahal ng kaniyang lola. Nag-aaral siya sa isang pribadong paaralan at mayroon siyang maayos na buhay. Ngunit salungat sa mga kaarawan niya sa lumipas na mga taon, sa ikawalong kaarawan ni Ella ay tila gumuho ang kaniyang mundo. Dahil sa pagsalubong niya ng kaniyang kaarawan ay ang paglisan ng kaniyang pinakamamahal na lola sa mundo. Hindi alam ni Ella ang gagawin, para siyang napilayan. Wala siyang matatakbuhan kasi maski ang kaniyang kaibigan ay wala sa tabi niya ng panahong iyon. Wala siyang kamag-anak na malalapitan, siya lamang mag-isa ang umasikaso sa burol ng kaniyang lola maging ang bahay na tanging ala-ala ng kaniyang lola ay kailangan niyang isangla para may panggastos siya. Nawala ang lahat kay Ella, pati ang natatanging nagsilbing magulang sa kaniya ay nawala na rin. Matapos ang burol ng kaniyang lola, naghanap si Ella ng matutuluyan gamit ang natirang pera sa pinagsanglaan niya ng kanilang bahay. Umalis si Ella sa kanilang lugar at pumunta sa lugar kung saan walang nakakakilala sa kaniya. Sa Matalam naisipan ni Ella na maghanap ng trabaho at magsimula ng panibagong buhay na mag-isa. Mahirap man ay pilit niyang kinakaya para sa kaniyang lola, ayaw niya itong mabigo kaya handa siyang gawin lahat para sa kanilang pangarap, kasalukuyan ding bakasyon at sa susunod na pasukan ay kolehiyo na si Ella. Balak niyang maghanap ng pribadong eskwelahan na pwede niyang mapasukan. At sa natitirang buwan ay gagamitin niya upang makapaghanap ng trabaho para sa kaniyang enrollment. Kung ano-anong trabaho ang pinasukan ni Ella, naglalabada, naghuhugas ng mga plato sa karendirya at kung ano-ano pa na pwede niyang pagkakitaan. Sumasama rin siya paminsan doon sa baklang kasama niya sa trabaho sa may karinderya upang sumideline sa pag-aayos sa mga babaeng sumasali sa mga beauty contest. Kahit papaano ay nakakadagdag ito sa pag iipon niya. "Oh Ella, gabi ka na naman naka uwi, inaabuso mo naman ata yang katawan mo. Pahinga ka rin minsan, alam kong mahirap ang buhay lalo't ikaw lang mag isa at nagbabalak ka rin mag-aral. Baka bumigay yang katawan mo sige ka ikaw rin ang kawawa", nag-aalalang sabi ng isa sa mga kasama niyang nangungupahan. "Opo ate, kaya ko pa naman po, tsaka kailangan kong mag-ipon, malapit na rin ang enrollment", sagot niya. Ate ang tawag niya sa mga kasama niyang boarder dahil halos lahat ay matanda sa kaniya at lahat nagtratrabaho na. Siya lamang itong nag-aaral or Working student sa lahat ng nangungupahan. "Oh Ella, ba't 'di mo kaya subukang sumali sa mga beauty contest total ang ganda mo naman tsaka tignan mo yang katawan ko parang hindi katawan ng isang eighteen years old ang ganda ganda pwede ng gawing model." sabi ni Sham na kaibigan niyang bakla pagdating na pagdating niya sa kaniyang inuupahang bahay. Malaking bahay ang kanilang tinitirhan dahil isa itong lumang bahay ng isang kilalang pamilya sa Matalam, marami rin itong kwarto nagkataon lamang na maid's quarter ang nakayanan ni Ella. "Hoi Sammy, manahimik ka nga dyan, alam mo naman na halos wala ng pahinga to si Ella sa dami ng raket niya tapos dadagdagan mo pa." kontra naman ni Ate Des. Sya ang pinaka ate nila nangungupahan ito kasama ang kaniyang kambal na anak, lalaki at babae. "Bakit ka nga ba halos magpakamatay na sa pagtratrabaho Ella, eh wala ka namang binubuhay?" tanong naman ni Sham sa kaniya. "Eh kasi, gusto kong mag enroll ngayong pasukan sa Matalam State Academy, pangarap kasi ni lola yun, ang makapagtapos ako sa isang pribadong paaralan. Kahit sa ganong paraan lang mapasaya at masuklian ko lahat ng sakripisyo niya sa akin." mahabang paliwanag ni Ella sa mga kasama. "Hay nako Ella, kung bakit kasi nakayanan kang iwan ng mga magulang mo sa murang edad, pero siguro may dahilan sila kung bakit nila yun ginawa yun nga lang sila lang ang makapagsasabi kung sakaling magtagpo ulit kayo", sabi ng kanilang ate Des. Naikwento ni Ella ang buhay nya sa mga kasamahan dahil na rin sa kalasingan nito, hindi niya ugaling maglasing pero ang kukulit ng mga kasama niya at nasa tamang edad na naman daw siya kaya pwede ng uminom. Kaya ayon nagkwentuhan sila at biglang napunta sa buhay niya ang usapan. Doon nagkwento siya, kung paanong wala siyang mga magulang na kinalakihan at kung bakit mag-isa na lamang siya sa buhay. "Oh! sya, pumasok na kayo sa sari sarili ninyong kwarto at magpahinga na tayo, panibagong hamon na naman ang haharapin natin bukas, lalo ka na Ella, magpahinga ka na alam kong madaling araw pa lang umaalis ka na para simulan ang panibagong umaga mo bilang isang strong independent women", mahabang sabi ni Sham o Sammy na siyang dahilan ng kanilang tawanan. Tapos na sa night routine niya si Ella at kasalukuyan na siyang nakahiga sa kanyang maliit na kama. Hindi siya makatulog dahil namimiss niya ang kaniyang lola. "La, kung sana andito ka hindi sana ako nahihirapan ng ganito. Miss na miss na kita lola, pangako gagawin ko lahat matupad lang ang pangarap mo sa akin." kausap niya sa litrato ng kaniyang lola. "Laban lang Gabriella Ellize Imperial, walang pagsubok na hindi mo kayang harapin. Laban para sa pangarap! Fighting!" pagpapalakas niya sa kaniyang loob at tuluyan na siyang hinila ng antok.