MALALIM na ang gabi ngunit naroon pa rin si Badong sa arko papasok ng San Fabian at nagbabantay. Kasama niya ang iba pang sundalo at kapulisan, maging ang iba pang miyembro ng Guerillang Itim. Isang buwan na ang nakakalipas nang mabawi nila ang San Fabian mula sa mga hapon. Dahil napapaligiran ng kabundukan ang kanilang Barrio, nagawa nilang harangan ang daan papasok ng mga kahoy, bakal at tinago iyon sa likod ng malalaking puno at mga halaman. Nagawa nilang ikubli ang mga daan upang hindi mapasok ng mga kalaban. Mula noon ay halinhinan nagbabantay sa bawat daan papasok at palabas ng bayan ang mga Guerillang Itim kasama ang mga pulis at military.
Sa loob ng isang buwan na iyon ay nakakaraos ang buong bayan mula sa sariling panananim. Ang bawat magkakapitbahay ay nagtutulungan. Nagkakais
