Nahagilap ko lang muli ang katinuan ko nang tumalikod na muli si Iso at sumisid sa malinaw na tubig ng batis. Hindi ko naiwasang mapatitig sa kaniya habang lumalangoy dahil kitang kita iyong repleksyon niya. Para pa akong inakit lalo upang lumusong at makilublob gaya niya pero hindi ko magawa dahil wala naman akong baong damit.
Bakit kasi ganoon? Bakit kung kailan aalis ako at pupunta sa mga lugar na gaya nito ay hindi man lang ako handa? I just prepared myself for a walk but not for a dive!
Pagkaahon niya, parang bumagal ang mga bagay sa paligid. Kasabay ng tila mabagal na pagbagsak ng mga tuyong dahon ay ang tila mabagal niya ring pagpasada sa basang buhok. Naka-side view siya kaya ang gwapo tingnan. Kagaya ni Carlo ay nahigitan pa niya ang mga nakikita ko sa TV Commercials at mo
