DAHIL na kay Bubot ang atensiyon ng tatlo, hindi namalayan ng mga ito ang paglapit ni Bibeng, "Saan ninyo balak dalhin ang mga sakong 'yan?"
Naigtad ang magkakaibigan at halos sabay-sabay natigilan. "Tang-ina!" Sambit ni Ben. "Sinasabi ko na nga ba, e. Si Bibeng mga 'tol. Siya ang nasa likuran natin!" Bulong nito.
Napaunat sa kinaroroonan si Bubot nang marinig ang tinig na kilalang-kilala. Nagulat ito sa pagsulpot ng ina-inahan subalit higit na ikinagulat nang makita ang mga sakong wala na sa pinaglagyan, at hawak na ng tatlong lalaki. Natigilan ito, at nakiramdam sa maaaring mangyari. Titig na titig at halos hindi kumukurap habang pinagmamasdan ang mukha ng mga lalaki, at ng ina-inahang matigas at madilim ang anyo.
"Ang unang kumilos ng masama, una ring babagsak sa kinatatayuan!" Babal
