NAGHILAMOS muna ako ng mukha bago nagpalit ng damit. Sa sobrang init kasi ng pakiramdam ko pati pisngi ko parang magliliyab. Kung ano-ano kasi ang pinaggagawa ng kupal na 'yon, eh.
Pinalitan ko ang suot na oversize long sleeve ng pants at sweater. Sigurado kasing malamig sa labas. Kakaulan lang kanina kaya malamig ang simoy ng hangin.
Akmang bubuksan ko na ang doorknob nang mapatigil. Tila isang baha na rumagasa ang mga imahe kanina sa utak ko. Napapikit ako nang mariin. Pagkatapos ng nangyari kanina, paano na ako ngayon aakto?
"Nakakainis! Ano ba'ng trip ng lalaking 'iyon?" naasar kong bulong sa sarili.
May pa-yakap yakap pa kasi. Marahas akong napabuga ng hangin. Kinalma ko muna ang sarili bago binuksan ang pinto. Siya kaagad ang bumungad sa akin. Nakasandal siya sa pader katapat ng
