MALAKAS akong dumighay pagkatapos kumain. Satisfied akong sumandal sa upuan. Nilingon ko si Demetrius na hindi ko narinig magsalita simula kanina. Paglingon ko ay nakatitig na pala siya sa akin. Nginitian ko siya nang matamis.
"Ang sarap no?"
Hindi niya ako sinagot. Nanatili siyang nakaupo sa sofa, nakatitig sa akin at seryosong naka-cross arms. Bumaba ang tingin ko sa lamesa. Naningkit ang mga mata ko nang makitang hindi niya binawasan ang pagkain.
"Kukunin mo pa 'yung limang barbeque kanina 'tapos hindi mo naman pala kakainin!" naiinis kong wika.
"I have lost my appetite," malamig niyang sagot.
Inismiran ko siya. Umusad ako sa mesa at kinuha ang kanyang plato. Nagsasayang lang siya ng pagkain. Ang dami-daming nagugutom 'tapos nagsasayang siya ng pagkain. Pakagat na sana ako sa barbe
