WALA na si Demetrius paggising ko kinaumagahan. Hinilot ko ang nananakit na likod dahil siguro sa pagkakahiga ko sa sofa. Mukhang madaling araw niya na ako binuhat at inihiga sa kama. Tumingin ako sa relo upang i-check ang oras. Maaga pa kaya nagmabagal na naman ako.
Nagsisipilyo ako habang nakatingin sa sarili kong repleksyon sa salamin nang pumasok sa isip ko ang nangyari kagabi. Parang nagyelo ang kamay ko at hindi nakagalaw. Kitang-kita ko sa salamin ang pamumula ng mga pisngi at pagbilog ng mga mata ko.
"P-Panaginip lang iyon 'diba?" kinakabahan kong bulong sa sarili.
Ngunit kahit anong pangungumbinsi ang gawain ko sa sarili. Mas malinaw pa sa tubig na nangyari ang lahat kagabi. Ang paggalaw ng mga labi ni Demetrius sa aking leeg, ang kamay niyang humaplos sa akin at ang bagay naka
