ANO BA TALAGA ang nararamdaman ko para kay Demetrius? Naguguluhan na kasi ako sa inaakto ng katawan ko. Lalo na ng puso ko sa tuwing nandiyan siya. Oo't inaamin ko na noon pa man ay nakakaramdaman na ako ng kakaiba, pero habang tumatagal ay parang mas lalong tumitindi ang kakaibang emosyon sa aking dibdib.
Mahina akong napabuntonghininga at saka nangalumbaba. Tulala sa mga schoolmate ko na kanya-kanyang chitchat. Masaya ang bukas ng mga mukha nila na parang walang pinoproblema. Samantalang ako rito, parang pasan ko na ang mundo, eh, naguguluhan lang naman ako sa nararamdaman ko.
Ilang minuto rin akong tulala bago ko naisipang tawagan si Emma. Malamang nagla-lunch na rin ito ngayon. Kaagad naman siyang sumagot sa tawag ko.
"Hello!" masigla niyang bati sa kabilang linya.
Hindi naman na
