PINUNO muna niya ng hangin ang dibdib bago tuluyang itulak ang glass door. Kaagad na nakita niya si Glenard na nakaupo sa swivel chair nito, na kaagad matatanaw pagpasok pa lamang ng pinto. Nakarolyo hanggang siko ang long-sleeve polo nitong suot hanggang siko. Natanggal na rin nito ang necktie nitong suot. At titig na titig ito sa kanya nang mga sandaling iyon.
"G-good afternoon, Mr. G-Galvez." Nainis siya sa kanyang sarili dahil hindi niya naiwasan ang mag-stammer.
Tumango lang ito at itinuro ang bakanteng silya sa harap ng mesa nito. Aktuwasyon na pinauupo siya roon. "Take a seat." Tumalima siya.
Muli ay pinagmasdan siya nito. Bagay na nagpaibayo sa pagkaasiwang nararamdaman niya. "Maikli lang naman ang sasabihin ko sa 'yo, Sandra, dahil alam kong may naghihintay na trabaho sa 'yo
