SANDRA
DUMATING ang araw na pinakamalungkot sa kanya dito sa UI. Ngayong araw ay despidida party na ni Mr. Ang at huling araw na rin nila sa building na iyon. Sa Lunes ay lilipat na sila sa Ortigas kung saan magiging ganap na niyang boss si Glenard. Masaya siya knowing na maiiba ang kanyang environment, at the same time ay ninenerbiyos. Ngayon pa lang kasi ay iniisip na niya kung paano kaya niya ito pakikiharapan kapag palagi na niya itong nakakasama sa opisina. Kung paano siya aaktong normal na empleyado sa harap ng taong hindi niya akalaing makikita niyang muli sa ganitong sitwasyon. Hindi niya alam kung tatagal siyang maging boss si Glenard pero kailangan niyang subukan. Sa kabila ng lahat ay kailangan niyang maging praktikal. Napakahirap maghanap ng trabaho ngayon at ayaw niyang isakr
