NANONOOD ng telebisyon sa sala si Sandra nang gabing iyon. Mag-isa lang siya sa bahay bukod sa isang maid ng kanyang ninang Fe. Wala pa kasi ang mga ito. Tumawag kanina si Laiza at sinabing gagabihin sila ng uwi dahil nagyaya pa ang Mama nito sa isa nilang kamag-anak sa Marikina. Hinihintay niya ang pagtawag ni Agnes para maghapunan nang biglang tumunog ang doorbell. Siya na ang tumayo para buksan ang pinto at tingnan kung sino ang nag-doorbell. Kulang na lang ay himatayin siya sa gulat nang makita kung sino ang nasa labas. Walang iba kung hindi si Glenard. Napakakisig nito sa suot na pantalong maong at asul na poloshirt. Gustuhin man niyang huwag itong papasukin ay wala na siyang choice. Nakita na siya ng binata. Mababagal ang hakbang na tinungo niya ang gate at binuksan iyon.
"Good eve
