SANDRA
NAPABANGON siya nang makarinig ng busina ng sasakyan sa labas ng bahay nina Laiza. Lumapit siya sa bintana. Dahan-dahan niyang hinawi ang kurtina at sumilip. Si Glenard ang nakita niya. Nakita niya ang ginawang pagbaba nito sa kotse at ang pag-alalay kay Laiza sa pagbaba. Nangunot bigla ang noo niya. Parang masyado naman yatang napakaaga para matapos ang concert. Natigil siya sa pag-iisip nang makitang nakatingala si Glenard sa gawi ng kwarto nila ni Laiza. Mabilis siyang napaalis sa bintana. Baka makita pa siya nito.
"Huwag mo muna akong tulugan, my dear bestfriend," bungad ni Laiza nang pumasok na ito sa loob ng kanilang kwarto. Nakasuot na ito ng pantulog pero fully made up pa rin ang mukha. Naupo ito sa gilid ng kanilang kama. "Bes, ang gwapo talaga pala ni Sir Glenard lalo n
